Shaqyrtýdyń basym bóligi egde jáne orta jastaǵy naýqastardyń dene qyzýy kóterilýi jáne ókpe qabynýy boıynsha. Máselen, oblys boıynsha JRVI-men 150-ge jýyq, pnevmonııamen 120 jáne koronavırýs ınfeksııasy belgilerimen 15-ke ǵa jýyq shaqyrtý túsedi.
Oblystyq medısınalyq jedel-járdem stansııasynyń Call-ortalyǵyna qońyraý shalý kezinde dene qyzýy kóterilgen jáne ókpe qabyný aýrýymen aýyrǵan nemese Covid 19 boıynsha suraqtarǵa 1 dárigerlik, 2 orta býyndy keńes berý qyzmeti de uıymdastyrylǵan. Mamandar naýqastarǵa medısınalyq keńes berý turǵysynda tolyq-qandy jumys jasaýda.
Naýqastar jaǵdaıyna qaraı aýrýhanalarǵa shuǵyl tasymaldanyp, em qabyldaýda. Oblystyq jedel medısınalyq járdem berý stansııasynda táýligine 124 jedel járdem brıgadasy ,onyn ishinde Túrkistan qalasy boıynsha 16 jedel járdem brıgadasy qyzmet kórsetedi.
"Shaqyrtý brıgadalarynda 372 dáriger jáne feldsher mamandary jumyldyrylǵan. Onyn ishinde Túrkistan qalasy boıynsha 32 dáriger jáne feldsher,16 júrgizýshi jumys jasaıdy. Qosymsha oblysqa qarasty aýdan, qala beketterinde de táýlik boıy dıspetcherler qyzmet kórsetýde. Jedel-járdem kólikteri qosymsha 75 dana ókpeni jasandy jeldetý apparatymen qamtylǵan. Bul indetpen kúreste bar kúshimizdi jumsap, ár naýqastyń ómirine arasha bolýǵa daıynbyz", - deıdi Túrkistan oblysy medısınalyq jedel-járdem stansasynyń bas dárigeri Dáýlet Musaev.
Jedel-járdem qyzmeti basshysynyń aıtýynsha, aımaqta barlyq medısına qyzmetkerleri qorǵanysh kıimderimen jáne medısınalyq járdemge qarasty bólimsheler men beketter dári-dármektermen tolyq qamtamasyz etilgen.
