Koronovırýsqa shaldyqqan adam birden tolyqqandy aıyǵyp ketpeıdi. Aǵza qalypqa kelýi úshin biraz ýaqyt kerek. Ǵalymdar osylaı deıdi. Sondyqtan dáriger nusqaýynsyz antıbıotık qabyldamaı, ońaltý sharalaryna mán bergen jón.
Brıtandyq ǵalymdar 4 mıllıondaı adamǵa zertteý júrgizilip, nátıjesinde sonyń 10 prosentinde 4-7 aptaǵa deıin álsizdik, sharshaý bolǵanyn anyqtaǵan. Al ony emdeýdiń tásili joq. Sondyqtan qalypqa kelý úshin -jaqsy kóńil -kúı kerek, uıqy qanyq, tamaq durys bolǵany jón. Kómirsý men aqýyzǵa baı taǵamdar aǵzadaǵy jasýshalardyń jumysyn jaqsartady. Bakterııalardy joıyp, vırýsqa qarsy antıdene qalyptastyrady.
Mamandardyń aıtýynsha, qalypty jaǵdaıǵa oralý úshin, mal men qus eti kómektesedi. Ásirese, jylqy etin tutyný - aǵzaǵa kúsh berip, ımmýnıtetti nyǵaıt ady.
Aýyryp bolǵan adamda vırýsqa qarsy antıdene 3 aı ǵana saqtalady. Al keıbireýlerde aýrýǵa qarsy ımmýnıtet túzilmeıdi. Sondyqtan olar vırýsty qaıta juqtyrýy ábden múmkin. Ol tipti birneshe ret qaıtalanýy da ǵajap emes. Sebebi kóp jaǵdaıda naýqastar dári-dármekti dáriger nusqaýynsyz paıdalanady. Ásirese antıbıotıktiń zııany kóp.
Antıbıotıkter tózimdilikti shaqyrady. Iаǵnı, siz keıin bakterıaldyq basqa ınfeksııamen aýyrsańyz bul antıbıotık sizge kómektespeıdi. Ekinshiden, ımmýnosýpressııa, ımmýndyq júıeni álsiretedi, - deıdi mamandar.
Koronavırýs óte aýyr ótse, tamyrlarda tromb túzilýi múmkin. Qaýipti derttiń osy sekildi ózge de saldary kóp. Ol árıne naýqastyń jasyna, aýrýdyń dárejesine baılanysty. Sondyqtan dárigerler naýqasqa aıyqqannan keıin birneshe aı ońaltýdan ótýge keńes beredi.
