Ońtústik Koreıadan jetkizilgen apparattardyń quny 700 myń teńgeden asady. Qazirgi tańda bul medısınalyq apparat - pnevmonııaǵa shaldyqqan naýqastardy emdeýde taptyrmaıtyn qural bolyp otyr.
Aýdan ákiminiń orynbasary Beısenbaı Tórebekov pen aýdandyq "Myrzakent" aýrýhanasynyń bas dárigeri Berik Esimhanov apparattardy aýrýhanaǵa jetkizip bergen kásipkerdiń otbasyna alǵys bildirip, osyndaı qıyn kezeńde halqyna súıenish bola bilgen azamat naǵyz "búgingi kúnniń batyry" ekenin atap ótti.
“Qazir aýrýhanamyzǵa pnevmonııa dıagnozymen túsip jatqan naýqastar kóp. Aýrý asqynǵan jaǵdaıda adamnyń ókpesindegi tynys alý joldaryn zaqymdaıdy. Naýqasqa ottegi jetispeı qınalady. Mine, osyndaı jaǵdaıda ottegi konsentratorynyń mańyzy zor" – dedi "Myrzakent" aýrýhanasynyń bas dárigeri Berik Naǵashbekuly.
Aıta keteıik, kásipker Danııar Atashov buǵan deıin de "Myrzakent" aýrýhanasyna balalarǵa jedel medısınalyq qyzmet kórsetýge arnalǵan 2 ottegi konsentratoryn alyp bergen.
