Sonymen qatar, 43 kóppáterli turǵyn úıdiń aýlalary men balalar oıyn alańshalaryna qaıta jóndeý jumystary júrgizilip otyr. Bul jumystarǵa bıylǵy jyly ár aýdannyń bıýdjetine bólingen 1 mlrd teńgeden 800 mıllıonnan astam qarjy qaralǵan. Onyń ishinde "Jumyspen qamtý jol kartasy" baǵdarlamasy boıynsha kópqabatty turǵyn úı aýlasyn abattandyrýǵa respýblıkalyq bıýdjetten 75,8 mln. teńge bólingen. Nysandar osy jyldyń tamyz, qyrkúıek aılarynda paıdalanýǵa beriledi.
Shymkent ákimi Murat Áıtenov Eńbekshi aýdanynyń aýlalaryn abattandyrýdyń barysyn tekserdi. Jumystyń sapasyna basa nazar aýdarǵan qala basshysy oryndyqtar men kishi arhıtektýralyq formalar syndy ornatylatyn elementterdi sapaly materıaldardan paıdalanýdy aıtty.
Aýdan ákimi Ǵalymjan Ilıasov aýlany abattandyrý boıynsha atqarylyp jatqan jumystar jaıyn baıandap, bıylǵy jyly budan bólek, 6 ashyq sport alańshasy men aýla aralyq tozyǵy jetken 8 mekenjaıdaǵy baspaldaqtardy qaıta qurý jumystary júrgizilip jatqanyn atap ótti. Sondaı-aq, aýdan ákimi 2021 jyly aýdan aýmaǵyndaǵy 100-den asa úı aýlaryn jóndeý jáne balalar oıyn alańdaryn qaıta qurý josparlanǵanyn jetkizdi.
