Aımaqtar • 22 Shilde, 2020

Qostanaı oblysynda orman órti jıilep ketti

280 ret

kórsetildi

1 mın

oqý úshin

Apshyny qýyrǵan aptap ystyqtyń saldarynan aımaq ormandarynda órt qaýpi kúsheıip ketti. Tótenshe jaǵdaı qyzmetkerleriniń aıtýynsha, qara ormannyń qyzyl jalynǵa oranýyna tabıǵı qubylystarmen qatar, ormanǵa shyǵýǵa shekteý qoıylǵanyna qaramastan qalanyń qapyryǵynan qashyp, tabıǵat aıasyn saıalaǵan demalýshylar da sebep bolýda, - dep jazady Egemen.kz

Nurqanat QULABAEV

Qostanaı oblysynda orman órti jıilep ketti

Kúni keshe ǵana Qarabalyq, Naýyrzym, Áýlıekól jáne Jitiqara aýdandarynda jerge túsken jasyn synyǵynan 5 birdeı orman órti shyǵyp, abyroı bolǵanda barlyǵy der kezinde sóndirildi. Tilsiz jaý jalpy aýdany 56,47 ga orman alqabyn sharpyp úlgergenmen, eldi mekenderge qaýip tóndire alǵan joq.

"О́rt oshaqtaryna oblystyq tótenshe jaǵdaı departamentiniń órt sóndirýshileri men orman sharýashylyǵynyń qyzmetkerleri shyqty. Qyzyl jalyndy aýyzdyqtaýǵa TJQ 8 qyzmetkeri men 2 tehnıkasy, orman sharýashylyqtary tarapynan 26 tehnıka men 64 jumysshy qatysty. Zardap shekkender joq. О́rt sóndirýshiler men qutqarýshylardyń ábjil qımylynyń arqasynda ormandy sharpyp endi kúsheıip bara jatqan órt der kezinde sóndirildi", - dep habarlady TJ departamentiniń baspasóz qyzmeti.