Londondaǵy ICE bırjasynda Brent markaly munaıdyń qyrkúıektegi fıýchers baǵasy 3,32% ósip, ıaǵnı bir barreli 44,62 AQSh dollary boldy.
Muny bırjadaǵy saýda-sattyq málimetterinen kóremiz. WTI markaly amerıkalyq munaı fıýchersiniń qyrkúıek aıyndaǵy jetkizilimderi 3,18%-ǵa kóterilip, barreli 42,22 AQSh dollaryn qurady.
Munaı baǵalary shıkizatqa suranystyń odan ári qalpyna kelýine baılanysty ósýde. Vaksınany sátti synaqtan ótkizý nátıjesi týraly jaqsy jańalyq pen EO ekonomıkasyn yntalandyrýdyń jańa baǵdarlamasyn qabyldaýy munaı naryǵyna naýryz aıynyń basyndaǵy deńgeıge qaıta oralýǵa septigin tıgizdi.
Eýroodaq elderi tórt kúndik kelissózderden keıin koronavırýs pandemııasynan zardap shekken ekonomıkany qalpyna keltirý josparyn qabyldady. 21 shildede Eýroodaq kóshbasshylary aldaǵy bes jylǵa arnalǵan bıýdjetti maquldap, ekonomıkany qalpyna keltirý qoryn qurý týraly kelisti.
Bir aı quldyraýdan keıin munaı baǵasy naýryz aıynan bastap eń joǵarǵy deńgeıge jetti, endi Brent markaly munaı barreline 46 AQSh dollary deńgeıge sheıin ósýi múmkin, dep boljaıdy sarapshylar.
