"Zeket" qorynyń mańyna toptasyp, bar isti uıymdastyryp júrgen oblystyń bas ımamy Kenjetaı qajy Dúısenbaı, isker azamattar Sermaǵanbet Oraluly men Naǵashybaı Barlybaev jáne t.b. qordaǵy qalǵan aqshany qurastyryp, taǵy da osy apparattardyń qunyn jibergen edi. Bul joly, oblystyq densaýlyq saqtaý basqarmasynyń bastyǵy Qabdyrahman Saqtaǵanov «pýlsoksımetr kerek edi» dep suraǵan soń, qoldaǵy qarjylaryn esepteı kelip, ózderi de qaltalarynan qosyp, áıteýir 73 pýlsoksımetr degen shaǵyn apparatty alýǵa aqsha jibergen. Ol adamnyń boıyndaǵy otteginiń kólemin anyqtaıtyn, shaǵyn ǵana, saýsaqqa kıgiziletin qural. Biraq ózi shaǵyn bolsa da baǵasy ýdaı: bireýi 38,5 myń teńge...
Jigitterge osylarǵa qajetti barlyq aqshany birden jaýyp jiberý ońaı bolǵan joq. Bizdegi bıýrokratııalyq bank júıesiniń tártibi boıynsha bir tulǵaǵa bir joly 20 mln teńgeni ǵana esepshottan aıyrýǵa ruhsat bar eken. Ekinshi ret alý úshin arada belgili ýaqyt ótetin qylyp qoıypty. Biraq soǵan qaramaı, jigitter áriptesterinen qaryzdanyp júrip, aqshany ýaqytynda taýyp jibergen... Sonymen keshe kelgen 25 konsentrator bylaı bólindi:
Oblystyq aýrýhana – 15 dana; Aqjar aýdandyq aýrýhanasyna – 3; Beskól aýdandyq aýrýhanasyna – 3; Mamlıýt aýdandyq aýrýhanasyna – 2; Kardıologııalyq ortalyqqa – 2;
Al pýlsoksımetrler bylaı bólindi: oblystyq aýrýhanaǵa – 40 dana; Aqjar aýdandyq aýrýhanasyna – 15 dana; Beskól aýdandyq aýrýhanasyna – 10 dana; Mamlıýt pen Esil aýdandyq aýrýhanalaryna úsh-úshten – 6; Kardıortalyqqa – 2 dana;
Osynsha apparat búginnen bastap, qyzmet istep, muhtaj jandarǵa paıdasyn tıgizip jatyr. Barlyǵy 61 konsentrator men 73 pýlsoksımetr talaı adamdy ajaldan arashalar degen úmittemiz. О́zge sharýalary bastan asyp jatsa da osyny uıymdastyryp, zyr júgirip júrgen sanaly azamattardyń isine Alla saýabyn bergeı!
QYZYLJAR
