«SMEDA» qoǵamdyq qory uıymdastyrǵan jýrnalısterge arnalǵan baspasóz máslıhatynda «Soros-Qazaqstan» qorynyń qoldaýy boıynsha bastamashyl toptar men aýyldyq úkimettik emes uıymdardyń ınstıtýttyq jáne kásibı turǵyda damýyna, turǵyndardyń aımaqtaǵy áleýmettik-mańyzdy máselelerge qatysty sheshim qabyldaý úderisine qatysýyn arttyrýǵa baǵyttalǵan «Aqtóbe oblysynyń kommersııalyq emes uıymdarynyń áleýetin arttyrý» jobasyn júzege asyrý bastalǵany aıtyldy.
«SMEDA» qoǵamdyq qory uıymdastyrǵan jýrnalısterge arnalǵan baspasóz máslıhatynda «Soros-Qazaqstan» qorynyń qoldaýy boıynsha bastamashyl toptar men aýyldyq úkimettik emes uıymdardyń ınstıtýttyq jáne kásibı turǵyda damýyna, turǵyndardyń aımaqtaǵy áleýmettik-mańyzdy máselelerge qatysty sheshim qabyldaý úderisine qatysýyn arttyrýǵa baǵyttalǵan «Aqtóbe oblysynyń kommersııalyq emes uıymdarynyń áleýetin arttyrý» jobasyn júzege asyrý bastalǵany aıtyldy. Joba jetekshisi Svetlana Sıdorova osy baǵytta áleýmettik zertteýler, saýalnamalar, suhbattar júrgizilgenin, Hromtaý, Alǵa jáne Mártók aýdandarynda fokýs-toptarmen kezdesýler uıymdastyrylǵanyn, saýalnamaǵa qatysqan aýdandyq úkimettik emes uıym belsendileriniń tek 13 paıyzy ǵana áleýmettik-mańyzdy jobalardy júzege asyrýǵa baǵyttalǵan konkýrstarǵa qatysqanyn tilge tıek ete kelip, úkimettik emes uıymdar úshin oqytý uıymdastyrýdyń asa qajettigin, sonymen birge, qoǵamdyq birlestikterdi qurý men damytý jónindegi ádistemelik ádebıetterdi taratýǵa qatysty máseleler bar ekendigin atap ótti. Kommersııalyq emes sektor ókilderiniń kópshiligi granttyq tapsyrystar daıyndaýdy bilmeıtinin, jobalaý qyzmetin basqarý tájirıbesi jetkiliksizdigin de jasyrmady. Aldaǵy ýaqytta oblystyń aýdandaryndaǵy bastamashyl toptar men ÚEU ókilderine arnalǵan qoǵamdastyqtyń qajettilikterin baǵalaý, jobalar men onyń menedjmentin daıyndaý, atqarýshy bılik organdary jáne seriktestermen birge jumys jasaý daǵdylaryn úıretý boıynsha trenıngter ótkizý kózdelýde. Ashyq konkýrs nátıjesi boıynsha jergilikti qoǵamdastyq máselelerin sheshýge baǵyttalǵan bes jobaǵa qoldaý kórsetiletin boldy.
Satybaldy SÁÝIRBAI,
«Egemen Qazaqstan».
Aqtóbe oblysy.
