Taıaýda respýblıkamyzdyń kórikti oryndarynyń biri Býrabaıda ««Jasyl ekonomıkanyń» damýy jáne bıologııalyq ártúrlilikti saqtaý» taqyrybyna halyqaralyq ǵylymı-praktıkalyq konferensııa boldy. Konferensııany Qorshaǵan ortany qorǵaý mınıstrliginiń Orman jáne ańshylyq sharýashylyǵy komıteti, «QazAgroInnovasııa» AQ «Qazaq orman sharýashylyǵy ǵylymı-zertteý ınstıtýty» JShS jáne «Qazaqstannyń bıoalýantúrliligin saqtaý qory» korporatıvtik qory uıymdastyrdy.
Taıaýda respýblıkamyzdyń kórikti oryndarynyń biri Býrabaıda ««Jasyl ekonomıkanyń» damýy jáne bıologııalyq ártúrlilikti saqtaý» taqyrybyna halyqaralyq ǵylymı-praktıkalyq konferensııa boldy. Konferensııany Qorshaǵan ortany qorǵaý mınıstrliginiń Orman jáne ańshylyq sharýashylyǵy komıteti, «QazAgroInnovasııa» AQ «Qazaq orman sharýashylyǵy ǵylymı-zertteý ınstıtýty» JShS jáne «Qazaqstannyń bıoalýantúrliligin saqtaý qory» korporatıvtik qory uıymdastyrdy.
Konferensııa jumysyna Orman jáne ańshylyq sharýashylyǵy komıtetiniń jaýapty qyzmetkerleri, Reseı Federasııasynyń, Belarýs Respýblıkasynyń, О́zbekstan jáne Qazaqstannyń ǵalym-orman ósirýshileri, orman sharýashylyǵy mamandaryn daıarlaýshy respýblıkanyń JOO-lary men kolledjderiniń professorlary jáne oqytýshylary, Aqmola oblysynyń jergilikti atqarýshy organdarynyń basshylary, tabıǵatty qorǵaý jáne ormandy qorǵaý mekemeleriniń mamandary qatysty.
Konferensııada Qazaqstan Respýblıkasy Prezıdentiniń 2013 jylǵy 30 mamyrdaǵy №577 Jarlyǵymen bekitilgen Qazaqstan Respýblıkasynyń «jasyl ekonomıkaǵa» kóshýi jónindegi tujyrymdamany iske asyrý máseleleri talqylandy. Konferensııa qatysýshylarynyń baıandamalary men sózderinde tujyrymdamada qoıylǵan orman qorlaryn tıimdi saqtaýǵa baǵyttalǵan jobalardy iske asyrý, ormansyzdanýdy baqylaý, elde orman sharýashylyǵyn basqarýdyń zamanaýı ádisterin engizý jáne laıyqty ádet-daǵdylaryn damytý qajettiligi boıynsha maqsattardyń ózektiligi atalyp ótti.
Talqylanǵan máseleler respýblıka aýmaǵynyń tómen ormandylyǵyna baılanysty (4,6%) Qazaqstannyń orman salasy úshin asa mańyzdy bolyp tabylady. Osyǵan baılanysty memleket aýmaǵyn ekologııalyq saýyqtyrý boıynsha jumystardy jandandyrýdy anyqtaıtyn ormandy qalpyna keltirý orman sektory damýynyń basym baǵyttarynyń biri bolyp tabylady. «Jasyl damý» baǵdarlamasy aıasynda 2014 jylǵa respýblıka boıynsha jalpy ormandardy udaıy ulǵaıtý jáne orman ósirýdiń jyldyq kólemin 70 myń gektarǵa deıin jetkizý josparlanýda. Astana qalasynyń jasyl aımaǵyndaǵy orman otyrǵyzylymdarynyń jalpy aýdany 1997-2013 jyldar ishinde 65,0 myń ga qurady. Aldaǵy ýaqytta ony Shýche-Býrabaı kýrortty aımaǵynyń tabıǵı ormandarymen ushtastyrý josparlanýda.
Asa qorǵalatyn tabıǵat aýmaqtarynyń jalpy aýdany 23,1 mln.ga (elimizdiń aýmaǵynyń 8,5%-y) quraıdy. 2015 jylǵa AQTA aýmaǵyn 24,5 mln.ga (9%) deıin jetkizý josparlanýda, 2020 jylǵa 26-27 mln.ga jetip, elimizdiń jalpy aýmaǵynyń 10%-yn quraıtyn bolady.
Orman sharýashylyǵy aldyna qoıylǵan maqsattar aldyńǵy qatarly tehnologııalardy belsendi engizýdi, jańa ǵylymı ázirlemelerdi jáne mamandar arasynda zamanaýı bilimderdi taratýdy talap etedi. Osyǵan baılanysty salany ǵylymmen qamtamasyz etýde respýblıkanyń bastaýshy mekemesi retinde Qazaq orman sharýashylyǵy ǵylymı-zertteý ınstıtýtynyń (QazOShǴZI) róli arta túsedi. 55 jyldan asa qyzmet etý merziminde QazOShǴZI 3500 asa ǵylymı maqalalar shyǵardy, óndiriske 250-den asa usynymdar jáne basqa da normatıvtik-nusqaýlyq qujattar daıyndaldy, 90-nan asa qorǵaý qujattary, onyń ishinde kádimgi qaraǵaıdyń sorttaryna 7 patent jáne 1 ınnovasııalyq patent alyndy.
Konferensııa qatysýshylary QazOShǴZI tájirıbelik nysandarymen jáne Shýche-Býrabaı kýrortty aımaǵynyń kórýge turatyn oryndarymen tanysty.
Konferensııa negizgi problemalyq máselelerdi jáne olardy sheshý boıynsha usynystardy beıneleýshi qarar qabyldady.
«Egemen-aqparat».
