Qyzylorda oblysynyń Qazaly aýdanynda birneshe jyldan beri aýyldyq okrýg ákimi bolyp, sheneýniktiń shelpegin sheńbirik atqansha jep júrgen bir azamatty abyroıly qyzmettiń jalyna jarmastyryp júrgen dıplomy jalǵan bolyp shyqty.
Qyzylorda oblysynyń Qazaly aýdanynda birneshe jyldan beri aýyldyq okrýg ákimi bolyp, sheneýniktiń shelpegin sheńbirik atqansha jep júrgen bir azamatty abyroıly qyzmettiń jalyna jarmastyryp júrgen dıplomy jalǵan bolyp shyqty.
«Baqsam, baqa eken» degendeı, ákim bolyp ákireńdep júrgen kisiniń joly suıyq ekenin sezip júrgender de bar eken. Solardyń aqparaty arqyly aımandaı bolǵan onyń jolyn basqa emes, tap ulttyq qaýipsizdik qyzmetkerleri kesipti. Munyń jaıyn Memlekettik qyzmet isteri agenttigi oblystyq basqarmasynyń bastyǵy Ǵalym Tursynbaev aıtyp berdi.
«Tártiptik keńeste Qazaly aýdany Tasaryq aýyly ákiminiń mindetin atqarǵan Bólebaıǵa qatysty is qaraldy, – dedi ol. – UQK Qyzylorda oblysy men Baıqońyr qalasy boıynsha departamentiniń hatyna sáıkes Bólebaı memlekettik qyzmetke ornalasý barysynda joǵary bilim týraly jalǵan dıplom bergen».
Onyń aıtýyna qaraǵanda, atalǵan sheneýniktiń is-áreketinde qylmystyq belgiler baıqalady. Endi osyǵan baılanysty tártiptik keńes osy is boıynsha barlyq materıaldardy qarjy polısııasyna tapsyrýǵa sheshim qabyldaǵan.
Qurysh NURYMBET.
