Qonaqqa kelgen balaqaı ájesi men tátesiniń úıine qonaqqa kelgen eken, alaıda oǵan úıdiń meken-jaıyn aıtyp qoıýdy úlkender eskermepti. Aýladaǵy ózindeı usaq balalarmıen lezde til tabysyp, oınap ketken bala bir kezde eki-úsh kósheni qýalap, ketip qalady. Tátesi kózden tasa qylmaı, syrttaı baqylap júrse de bul kezde qyraǵylyǵyn joǵaltyp alǵan eken, balalar zym-zııa bolyp ketkende ǵana izdeýge kirisedi. Jany qysylyp, sasqan áıel aımaqtyń bárin ózi súzip shyqqanymen esh nátıje shyǵara almaı sosyn "102" telefonymen polısııanyń kómegine júginedi.
Oqıǵa ornyna jedel jetken krımınaldyq polısııa bóliminiń qyzmetkerleri balanyń túr-túsi men kıgen kıimin anyqtap, mańaıdy jiti sholýǵa kirisedi. Kórgen adamdar men birge oınaǵan balalar da tabylady. Aqyry, quramynda polısııa aǵa leıtenanty Bekjan Sársenbekov pen polısııa leıtenanty Ádil Qalın bar Petropavl qalalyq PB patrýldik polısııa batalonynyń ekıpajy "City Mall" saýda úıi aýdanyndaǵy aýlalardyń birinde oınap otyrǵan balalardyń arasynan izdeýdegibalany tabady.
Ol qannen-qapersiz qurbylarymen oınap otyrady, alaıda ájesi men tátesine áldeqashan qaıtqysy kelgenin, biraq qaıtar joldy umytyp qalǵanyn aıtady.
Sóıtip, joǵalǵan bala tabylyp, barlyq tarap qýanyp qaldy. Balanyń týystary polısııaǵa áleýmettik jeliler arqyly alǵystaryn jetkizdi.
PETROPAVL
