Qazaqstan Respýblıkasy Statıstıka agenttiginiń málimetterine sáıkes, elimizde 25 myńnan astam úkimettik emes uıymdar (ÚEU) tirkelgen. Onyń ishinde 5 myńnan astamy Almaty qalasynda shoǵyrlanǵan. ÚEU-dyń basty mindeti qoǵamdyq ómirge belsene qatysyp irgeli jumystardy júzege asyrý bolyp tabylady.
Qazaqstan Respýblıkasy Statıstıka agenttiginiń málimetterine sáıkes, elimizde 25 myńnan astam úkimettik emes uıymdar (ÚEU) tirkelgen. Onyń ishinde 5 myńnan astamy Almaty qalasynda shoǵyrlanǵan. ÚEU-dyń basty mindeti qoǵamdyq ómirge belsene qatysyp irgeli jumystardy júzege asyrý bolyp tabylady.
Jaqynda Almaty qalasynyń VIII Azamattyq forýmy ótti. Onyń maqsaty memlekettik organdar men úkimettik emes uıymdardyń arasyndaǵy ózara áriptestikti keńeıtý, qoǵamnyń ózekti máselelerin sheshý boıynsha birlesken jumystardy júzege asyrý.
Forým taqyryby – «Almatynyń tańdaýy – jasyl ekonomıka» dep atalýy tegin emes. О́zektiligi jyl saıyn artyp kele jatqan «jasyl ekonomıka» salasy óz tıimdiligin qorshaǵan ortany qorǵaý jáne sapaly ekologııalyq ómirdi qamtamasyz etý arqyly dáleldep otyr. Osyǵan oraı, «jasyl ekonomıkany» damytýǵa arnalǵan forýmnyń mańyzdylyǵy da mine osy edi.
Forým jumysy barysynda úkimettik emes sektor men áleýmettik salany damytýdyń ózekti máseleleri talqylanyp, tıisti usynystar men ózara árekettestik týraly josparlar jasaldy. Azamattyq forým azamattyq sektordyń turaqty damýyna qatysty problemalary men onyń memlekettik organdarmen áriptestigin saraptaý úshin taptyrmas pikirtalas alańyna aınaldy.
Forým aıasynda «jasyl ekonomıka» salasynda jumys isteıtin qazaqstandyq ǵalymdar men otandyq jáne sheteldik óndiristik mekemelerdiń ónimderi alǵash ret kópshilik nazaryna usynylyp, ınnovasııalyq jobalardyń kórmesi uıymdastyryldy.
Sharaǵa memlekettik organdar, úkimettik emes uıymdardyń ókilderi, ǵalymdar, máslıhat depýtattary jáne basqa da sala ókilderi shaqyryldy. Forýmǵa qatysýshylar aldynda Almaty qalasynyń ákimi Ahmetjan Esimov sóz sóılep, onyń jumysyna tabys tiledi. Sonymen qatar, ózge qatysýshylar da baıandamalar jasady.
«Egemen-aqparat».
