Al 2 tamyzǵa deıin Ile-Alataý ulttyq tabıǵı parkine jaıaý júrginshilerge ǵana kirýge ruqsat. Alaıda, ózderimen birge azyq-túlik alyp, ot jaǵýǵa, pıknık uıymdastyrýǵa bolmaıdy. Atalǵan aýmaqqa sol mańda turatyn turǵyndar avtokólikpen kire alady.
Sondaı-aq, Shyǵys Qazaqstandaǵy Alakól de demalýshylar úshin jabyldy. Úrjar aýdanynyń ákimine demalys aýmaǵyna baratyn joldy jaýyp, mobıldi beket qoıyp, qoǵamdyq tártipti baqylaý júktelgen. Al osy ýaqytqa deıin kelgen demalýshylar joldama merzimi aıaqtalǵansha demalys bazalarynda qalýyna bolady. Shekteý sharalary qashanǵa deıin sozylatyny belgisiz.
Esterińizge salaıyq, Býrabaı men Zerendide de shekteý sharalary kúsheıtiledi. Aqmola oblystyq týrızm basqarmasy búginnen bastap kýrorttyq aımaqtar jabylyp, kireberisterde blokbeketter ornatylyp, kólik qozǵalysy shekteletinin eskertedi.
