QR Aýyl sharýashylyǵy mınıstrligi buqaralyq aqparat quraldarynda 22 jáne 23 shildede ShQO qutyrma aýrýy týraly taraǵan habarlamaǵa túsinikteme berdi.
Prıvolnoe aýylynda 11 bas iri qara mal ólimi tirkelgen. Onyń tórteýinen zerthanalyq nátıjeler boıynsha qutyrma aýrýynyń ólimge sebep bolǵandyǵy anyqtaldy.
Bir synamadan teris nátıje kórsetti. Qalǵan alty jaǵdaı boıynsha qazirgi ýaqytta zerthanalyq zertteýler jalǵasýda: lıýmınessentti mıkroskopııadan teris nátıjeler alyndy, aq tyshqandardyń bıosynamasyna baqylaý jalǵasýda (qutyrma aýrýyn zertteý 30 kúnge sozylady).
Prıvolnoe aýylyndaǵy barlyq janýarlarǵa, sonyń ishinde iri qara malǵa, jylqylar men ıtterge jedel egý, jeke aýlalarda dezınfeksııalyq emdeý júrgizildi, janýarlardyń óleksesi órteldi.
Nátıjesinde, aımaqta sońǵy 10 kún ishinde aýyrǵan mal ólimi tirkelgen joq. Epızootıkalyq jaǵdaı veterınarlyq qyzmettiń baqylaýynda.
Aıta ketý kerek, qutyrma aýrýynan ólgen mal ıelerine keltirilgen zalaldyń shyǵyny óteledi. О́temaqy alý úshin banktik shottyń nómiri men jeke kýáligin kórsetý qajet. Al, mal ıesi ekenin rastaıtyn jáne onyń ólý sebebin anyqtaıtyn qujattardy jergilikti veterınarııa bóliminiń mamandary beredi.
