Oblys ákimdigi ǵımaratynda ótken májilis barysynda SK-Farmasııa basshysyna oblystyń medısınalyq mekemeleriniń dári-dármekpen bir aılyq qory kóleminde qamtamasyz etilýi erekshe tapsyryldy.
Sonymen birge, bir apta ishinde ókpeni jasandy jeldetý apparattary taǵy da qosymsha oblys mekemelerine jetkiziletin bolady. Odan bólek, 26 shilde kúni oblysqa qosymsha qajetti 200 ottek konsentratory jetkiziledi. Bul kólem jalpy oblys qajettiligin tolyqtaı qamtıtyn bolady.
Eraly Toǵjanov koronavırýs indetiniń odan ári taralmaýy jáne epıdemıologııalyq ahýaldyń jaqsarýy jergilikti halyqtyń sanıtarlyq normalardy saqtaýyna da baılanysty ekendigin atap ótti:
"Kúni keshe oblystyń keı aýdandarynda toı men jıyndar ótkizilgen. Dári-dármekpen, qajetti medısınalyq kómekpen memleket sózsiz qamtamasyz etýde. Alaıda, indettiń taralmaýy - bul memlekettiń ǵana qolynda emes, bul iste halyqtyń da jaýapkershiligi mol",-dedi.
Premer-Mınıstrdiń orynbasary Qyzylorda óńirine is-sapary aıasynda Oblystyq Jedel medısınalyq kómek stansasy men Oblystyq kópsalaly emhanadaǵy jaǵdaımen tanysyp, óńir ortalyǵyndaǵy birneshe dárihanalardyń dári-dármekpen tekserý josparlanǵan.
