Qalanyń Aqmeshit yqsham aýdanyndaǵy №28 úıdiń aýlasyna salynǵan alań tolyǵymen zamanaýı talaptarǵa saı. Qaýipsiz ári sapaly jasalǵan jumysqa turǵyndar alǵysyn bildirýde.
"Buryn balalarymyz oınaýǵa ketse, bir jerin jaraqattap ala ma dep alańdap otyratyn edik. Qazir qorqynysh seıildi", - deıdi qala turǵyny Saltanat Kúzerbergenova.
Bıyl oblys ortalyǵynda balalarǵa arnalǵan 30 oıyn alańyn salý josparlanǵan. Qazir olardyń 18-iniń qurylysy aıaqtaldy.
Shahar basshysy yqsham aýdanǵa qarasty № 26,27 úıler turǵyndarymen de tildesip, ótinish-tilekterin tyńdady. Turǵyndardyń máselesi boıynsha sala basshylaryna jekeleı tapsyrma júktep, ony 10 kúnniń ishinde sheshýdi tapsyrdy.
Ǵ.Muratbaev kóshesi boıynda sport-jattyǵý alańy salynyp jatyr. Jobany "Aqmar ı K" JShS júzege asyrýda.
Budan bólek qala aýmaǵynda balalarǵa arnalǵan 2 strıtbol alańynyń qurylysy júrýde. Onyń biri Buqarbaı batyr kóshesinen salynsa, ekinshisi Tasbóget kentinde boı kóteredi.
