Keshe Úkimet úıinde Premer-Mınıstr Serik Ahmetovtiń tóraǵalyǵymen Astanadaǵy EKSPO-2017 halyqaralyq arnaýly kórmesine ázirlik pen ony ótkizý jónindegi Memlekettik komıssııanyń kezekti otyrysy bolyp ótti.
Serik Ahmetov osynyń aldynda atalǵan kórmege ázirlik máselelerin qarastyrǵan Aqordadaǵy keńeste Prezıdent bergen tapsyrmalarǵa erekshe nazar aýdardy.
Keshe Úkimet úıinde Premer-Mınıstr Serik Ahmetovtiń tóraǵalyǵymen Astanadaǵy EKSPO-2017 halyqaralyq arnaýly kórmesine ázirlik pen ony ótkizý jónindegi Memlekettik komıssııanyń kezekti otyrysy bolyp ótti.
Serik Ahmetov osynyń aldynda atalǵan kórmege ázirlik máselelerin qarastyrǵan Aqordadaǵy keńeste Prezıdent bergen tapsyrmalarǵa erekshe nazar aýdardy.
«Kórme zııansyz jumys isteýi tıis. Ondaǵy pavılondardyń kórmeden keıingi jumystary ulttyq kompanııalar jáne bútindeı alǵanda memleket úshin paıdaly da tıimdi bolýy kerek», dedi Premer-Mınıstr. Sondaı-aq ol EKSPO-2017-ge ázirlik jónindegi sharalardy jarııalaýdyń aqparattyq-ımıdjdik jumystaryna kreatıvtik ádis-tásildermen kelýdiń qajettigin, tıisti zań jobalaryn der kezinde ázirleýdiń erekshe mańyzdy ekendigin atap kórsetti.
Otyrys barysynda «Astana EKSPO-2017» UK» AQ basqarmasynyń basshysy Talǵat Ermegııaevtiń, Ekonomıka jáne bıýdjettik josparlaý mınıstri Erbolat Dosaevtyń, Qorshaǵan ortany qorǵaý mınıstri Nurlan Qapparovtyń, Mádenıet jáne aqparat mınıstri Muhtar Qul-Muhammedtiń esepteri tyńdaldy.
Úkimet basshysy talqylaý qorytyndysynda barlyq múddeli memlekettik organdarǵa, «Astana EKSPO-2017» UK» AQ-qa birqatar tapsyrmalar berdi jáne kórmeni ótkizýge sapaly ázirlik sharalaryn qabyldaý qajettigin taǵy bir eskertti, dep habarlady QR Premer-Mınıstriniń baspasóz qyzmeti.
