KELISIP PIShKEN TONDAI...

Almatyda bılik pen úkimettik emes uıymdar ókilderi is-qımyl birligi máselelerin talqylady Jaqynda áýeli qala ákimdiginde “Qoǵam jáne bılik: áleýmettik áriptestik kókjıegi” atty iske asy­rylǵan áleýmettik mándi jobalar kórmesi bolyp ótti. Onda memle­kettik tapsyrys aıasynda úkimettik emes uıymdar júzege asyrǵan bir­ta­laı jobalar kórsetilip, jurt­shy­lyqqa tanystyryldy. Osy is-shara barysynda úkimettik emes uıym­dardyń is-qımyl birligi men ynty­maqtastyq jónindegi qoǵamdyq keńesiniń otyrysy ótkizilip, oǵan qala ákimi Ahmetjan Esimov tór­aǵalyq etti. Otyrys kezinde úkimettik emes uıymdardyń ókilderi qalalyq qu­ry­lymdardyń jetekshilerimen birlese otyryp, bılik pen qoǵam­dyq sektordyń áleýmettik árip­testigin odan ári damytýǵa qatysty máselelerdi keńinen sóz etti. Qala ákimi áleýmettik áriptestiktiń qol­jetimdi ári tıimdi tetikteri qajet­tigin erekshe atap kórsetti. “Kelisip pishken ton kelte bolmas” degen­deı, osynaý otyrystyń negizgi maq­satynyń ózi de atqarýshy organ­darmen is-qımyl birliginiń paıdasyn baǵamdap, barlyq kom­mersııalyq emes uıymdardyń kúsh-jigerin toptastyrý maqsatyn kóz­degeni de anyq. Búkil el boıynsha tirkelgen qoǵamdyq uıymdardyń qyryq paıyzy Almatyda jumys isteıdi eken. Endeshe, qala basshy­synyń osynaý jaıǵa basa nazar aýdarǵany da túsinikti bolsa kerek. Osyǵan oraı ózara yntymaq­tas­tyqtyń kókjıegi men keleshegi týraly qoǵamdyq uıymdar ókilderi de óz oı-pikirlerin búkpesiz ortaǵa saldy. Almatydaǵy Qoǵamdyq keńes respýblıkada alǵashqy bolyp 2009 jyly qurylǵanynan habardar edik. Onyń konsýltatıvtik-keńesshilik organ retindegi mártebesi jáne bar. Munda jurtshylyq pen ákimdik ókilderi ártúrli máselelerdi únemi birlesip talqylaıdy. Keńes óz otyrystarynyń qorytyndylary boıynsha qandaı da bir problema­lardy sheshýdiń joldaryn nusqaǵan óz usynystaryn tıisti quzyrly oryndar men memlekettik organ­darǵa joldap otyrady. Qala ákim­digi áleýmettik tapsyrys arqyly úkimettik emes uıymdarǵa birqatar ókilettikterdi berýdi ıgi dástúrge aınaldyryp keledi. Búgingi oty­rysta málim etilgendeı, qalalyq ókimet oryndary úkimettik emes uıymdarmen óziniń osy baǵyttaǵy ózara tyǵyz qarym-qatynasyn ke­ńeıte túsýdi uıǵarǵan. Sonymen birge, Almatynyń ákimdigi qala­lyq máslıhat qaraýyna úkimettik emes uıymdardy qarjylandyrý­dy eki ese ulǵaıtý jóninde usy­nys engizip otyr. Osyǵan oraı jurt­shylyq ókilderi mundaı ashyq ún qatysýǵa jáne óz usy­nystary men syn-eskertpelerin engizý múm­kindigi úshin alǵys­taryn bildirdi. Otyrys sońynda qala ákimi 2009 jyly júzege asyrylǵan áleý­mettik mándi jobalar kórmesiniń jeńimpazdaryn quttyqtap, olarǵa marapat gramotalaryn tapsyrdy. Oryndalǵan jobanyń úzdik tusaý­keseri usynymynda oralmandardyń “Asar” respýblıkalyq qoǵamdyq birlestigi, halyqqa áleýmettik qyzmet kórsetýdegi ozyq tájirıbe usynymy boıynsha “Shyraq” múgedek áıelder qaýymdastyǵy, áleýmettik mándi jobalardy uzaq merzimdi iske asyrý keleshegi usynymy boıynsha Qazaqstannyń daǵdarys ortalyqtary odaǵy jeńimpaz atandy. Qorǵanbek AMANJOL.