Sońǵy jyldary memleketimizdiń serpindi damyp, turǵyn úımen qamtý baǵdarlamalarynyń júzege asyrylýymen halqymyzdyń páterli bolýǵa degen senimi kúsheıdi. Barsha jurtty jarylqap jatqan «Jumyspen qamtý-2020» baǵdarlamasynyń bir baǵyty – shalǵaıdaǵy bolashaǵy joq aýyl turǵyndaryn jáne balalar úıiniń tárbıelenýshilerin, jetim balalar men ata-anasynyń qamqorlyǵynsyz qalǵan balalardy ekonomıkalyq belsendi aımaqtarǵa kóshirip, jumysqa ornalastyrý bolyp tabylady.
Sońǵy jyldary memleketimizdiń serpindi damyp, turǵyn úımen qamtý baǵdarlamalarynyń júzege asyrylýymen halqymyzdyń páterli bolýǵa degen senimi kúsheıdi. Barsha jurtty jarylqap jatqan «Jumyspen qamtý-2020» baǵdarlamasynyń bir baǵyty – shalǵaıdaǵy bolashaǵy joq aýyl turǵyndaryn jáne balalar úıiniń tárbıelenýshilerin, jetim balalar men ata-anasynyń qamqorlyǵynsyz qalǵan balalardy ekonomıkalyq belsendi aımaqtarǵa kóshirip, jumysqa ornalastyrý bolyp tabylady.
Osyǵan baılanysty jaqynda Shymkent qalasynyń «Nursát» shaǵyn aýdanynda qonys aýdarýshylarǵa arnalǵan 108 páterlik kópqabatty úı paıdalanýǵa berildi. Baǵdarlama aıasynda salynǵan bul úıge oblys aýmaǵyndaǵy aýdandar men qalalardan kóship kelgen atalmysh sanattaǵy 72 otbasyǵa páterlerdiń kiltteri tabys etildi. Olardyń 61-i ata-ananyń qamqorlyǵynsyz qalǵan jetim otbasylar bolsa, 11-i áleýeti tómen eldi mekennen qonys aýdarýǵa nıet bildirgender.
Bir qýanarlyǵy, qonys aýdarýshylardyń jańa mekenjaıynda áleýmettik jáne jumyspen qamtý máseleleri sheshimin tabady. Jańa úıge qonys aýdarýshylardyń mektep jasyndaǵy 19 oqýshy balalary «Nursát» shaǵyn aýdanyndaǵy orta mektepte oqıtyn bolsa, mektepke deıingi jastaǵy 40 búldirshin Shymkent qalalyq bilim bólimi arqyly balabaqshalarǵa ornalastyrylýda. Al eńbekke qabilettileri Shymkent qalasynyń kásiporyndary men mekemelerine jumysqa tartylady. Endi aldaǵy aıda «Jumyspen qamtý-2020» baǵdarlamasy aıasynda taǵy da 3 kópqabatty turǵyn úı paıdalanýǵa berilmek. Osylaısha, Shymqalada qonys toı kóbeıip tur.
Oralhan DÁÝIT,
«Egemen Qazaqstan».
ShYMKENT.
Sýretterdi túsirgen Arman ÁBDIRAShULY.
