Budan 3-4 jyl buryn bastalǵan modernızasııalyq is-sharalardy satylaı júrgizip, ár jyl saıyn onyń kólemin ósirý kózdelgen. Negizinen otandyq kompanııalardyń óz qarajaty esebinen júrgiziletin jańǵyrtý jumystaryna bólinetin qarajat kólemi jarty trıllıon tengeniń tóńireginde bolmaq.
Al ekinshi baǵyt naryqtaǵy suranysqa sáıkes jańa kásiporyndar qurý. Bul is shashyrańqy emes, kerisinshe oǵan shoǵyrlaný men toptasý sıpatyndaǵy úrdister tán. Bul baǵytta "Aqtóbe ındýstrııalyq aımaǵynyń" atqaratyn róli men qyzmeti aıyryqsha. Búgingi kúnge deıin atalǵan ındýstrııalyq aımaqtyń áleýetin odan ári kóterý isinde júzege asa qoımaǵan múmkindikter molyraq bolsa, qazirgi kúni onyń paıdalanylý koefısıenti tolyǵyp keledi. Aıtalyq bıyl Aqtóbe qalasynda jyl aıaǵyna deıin jalpy quny 21,8 mıllıard tenge turatyn bes kásiporyn ashý qolǵa alynǵan. Osy arqyly 315 jańa jumys ornyn qurý belgilengen. Bul ındýstrııalyq aımaqtyń áleýetin odan ári ósirý isine qosyla alatyn eleýli kúsh bolmaq. Eger onyń jaı-kúıine tereńirek zer salsaq bári de naryq suranysynan týyndaǵan ómirsheń jobalar ekenine kóz jetkize alamyz.
Bul jóninde óńirlik úılestirý keńesinde bıylǵy jyly júzege asyrylatyn jumystardyń tizbesi jasalǵan. Atap aıtqanda bular qurylys ındýstrııasy ónimderi, qoldanylǵan motor maılaryn qaıta óńdeý, kúrdeli metall qurylymdar jáne metall buıymdaryn daıyndaıtyn zaýyt bolyp tabylady. Atalǵan keńes quny 10 mıllıon tengege jýyq segiz jobany maquldaǵan eken. Mundaı súıekti de salmaqty óndiristik kúshterdi toptastyrý arqyly ındýstrııalyq aımaqta jyl sońyna deıin kem degende 600 adamdy jumyspen qamtýǵa múmkindikter týǵyzylmaq. Sondaı-aq artyq-kemi joq 25 kompanııa ındýstrııalyq aımaqtyń Prezıdenti ekendigi de onyń prespektıvalyq múmkindikterinen habar bere alady.
Elimizde kenjeleý damyǵan erekshe óndiristiń biri –qaǵaz shyǵarý óndirisi ekeni belgili. "Aqtóbe ındýstrııalyq aımaǵynda" osy olqylyqtyń ornyn toltyrýǵa qatysty qaǵaz óndiretin zavodtyń qurylysy bastalyp ketkeni de atap aıtýǵa turarlyq. Bul kásiporyn ınvestısııalyq qarajat esebinen turǵyzylýda. Quny 300 mıllıon tenge quraıtyn óndiris orny jylyna 3335 tonna qaǵaz nemese 23 mıllıon orama dárethana qaǵazyn, 3 mıllıon oram qaǵaz súzgilerin jáne 7,5 mıllıon paket maılyqtaryn shyǵarmaq. Buǵan qajetti shıkizat kózderin tolyqtyrýdyń birneshe joldary qarastyrylǵan. Bul úshin birinshiden makýlatýrany jınaý jospary jasalǵan. Mundaı úderis óndiristik sehtyń janynan salynǵan suryptaýǵa jáne saqtaýǵa arnalǵan qoıma arqyly júrgiziledi. Buǵan deıin barlyq shıkizat Reseıden satyp alynypty. Jrba jańashyldary endi bul kiriptarlyqtan tolyqtaı arylýdy maqsat etýde. Bul mańyzdy máseleni tolyq óndiristik sıkldy qurý jáne elimizdiń ishki naryǵyn sapaly qaǵaz ónimderimen qamtý jónindegi keshendi is-qımyl arqyly sheshý qarastyrylǵan.
"Aqtóbe ındýstrııalyq aımaǵynyń" áleýeti osylaısha jyl saıyn artyp keledi.
AQTО́BE
