Qazir dári-dármekpen qamtý jolǵa qoıylǵan. Atap aıtqanda, "SK-Farmasııa" apta saıyn 338 túrli preparattar jetkiziledi. Munyń syrtynda oblystyń dárihanalaryna sońǵy eki aptada 80 tonna dári-dármek ákelingen.
Negizgi medıkamentter boıynsha oblystyń barlyq medısınalyq mekemelerinde bir aılyq qor bar. Alaıda, qajetti segiz dári boıynsha qor bir aptaǵa ǵana jetedi. «SK-Farmasııa» JShS basqarma tóraǵasy E.Iskalıev atalǵan máseleni úsh kúnniń ishinde sheshýge daıyn ekenin jetkizdi.
Eraly Toǵjanov "SK-Farmasııa" kompanııasyna oblys ákimdigimen birlese otyryp, úsh aılyq medıkamentter qoryn qalyptastyrý úshin ótinim berý jumystaryn júrgizýdi tapsyrdy. Oblystaǵy epıdemıologııalyq ahýaldy odan ary turaqtandyrý maqsatynda shuǵyl sheshimder qabyldaý úshin jıyn ótkizildi. Jıyn sońynda medısınalyq mekemelerdi ókpeni jasandy jeldetý apparattarymen jáne ottegi konsentrattarymen tolyq jabdyqtaý úshin naqty sheshim ázirlenip, protokoldyq tapsyrmalar qabyldandy.
Sondaı-aq, Premer-Mınıstrdiń orynbasary Eraly Toǵjanov óńirge sapary aıasynda ınfeksııalyq stansıonar retinde jumys istep jatqan Atyraý oblystyq №2 aýrýhanasyna da bardy. Onda barlyǵy 1557 adam koronavırýs ınfeksııasymen túsip, olardyń 1386-si jazylyp shyqqan.
Oblysta qazirgi kezde ınfeksııalyq oryndar 60 paıyzǵa artqan. Al shilde aıynyń basynan beri atalǵan oryndar 83 paıyzdan 61,7 paıyzǵa deıin bosaǵan. Qosymsha sapaly medısınalyq kómek kórsetetin táýlik boıy jumys isteıtin kol-ortalyq uıymdastyrý arqyly jádel járdemge túsetin qońyraýlar 1300-den 700-ge deıin azaıǵan. Kún saıyn reıd ótkizetin 114 monıtorıngtik top 563 buzýshylyqty anyqtap, 10 mıllıon teńgeden astam somanyń aıyppuly salynǵan.
