Lıssabon molekýlalyq medısına ınstıtýty COVID-19 koronavırýsyn beıtaraptandyrýǵa qabiletti alǵashqy qorǵanys maskasyn ázirlep shyqqanyn jarııalady, dep jazady La Razón gazeti. Ol birneshe sý ótkizbeıtin qabat pen arnaıy jabyndysy bar ınnovasııalyq matanyń arqasynda jasalǵan. Synaqtan ótkizý kezinde zertteýshiler maskany koronavırýs molekýlalary bar eritindige batyrǵan. Artynsha olardyń 99 paıyzy bir saǵattan keıin qasıetterin joǵaltqan.
Maskanyń mataǵa túsken SARS-CoV-2 vırýsyn beıtaraptandyratyn ınnovasııalyq jabyny bar. Ǵalymdardyń aıtýynsha, maskany birneshe ret qoldanýǵa bolady. Ol mata 50 ret jýylǵannan keıin de óz qalpynda saqtalady.
