Sońǵy kúnderi Sankt-Peterbýrgtiń «Zenıt» komandasynyń jartylaı qorǵaýshysy Andreı Arshavınniń taǵy da úılenbekshi bolyp jatqany týraly aqpar tarady.Bul týraly «Lenta.Rý» habarlady.
Fýtbolshynyń tańdaýy keıingi kezderi buqaralyq aqparat quraldarynda kóp kórsetilip ketken Darıa esimdi kelinshek eken. Bulardyń baılanystary týraly biz de osynyń aldynda eki ret jazǵanbyz. Onyń birinshisi bul ekeýiniń jaqynda Pıterde rejısser Fedor Bondarchýktiń «Stalıngrad» atty fılminiń premerasyna ekeýiniń qol ustasyp birge barǵany týraly derek berse, ekinshisi kelinshektiń jol-kólik oqıǵasyna urynǵan kezdegi ózin ustaý jaǵdaıy jaıly aıtýǵa arnaldy.
Andreı premeraǵa barǵanda qasyndaǵy qurbysynyń qolyndaǵy neke saqınasyn jurtqa kórsetip qalýǵa tyrysqan (sýrette). Munysy bulardyń bul júrisi beker emes ekenin bildirmek bolǵany desedi.
Endi qazir 32 jasar fýtbolshynyń sol qurbysyna úılený jóninde kelisim suraǵany da belgili bolyp otyr. Kelinshektiń aty – Darıa, ázerbaıjan qyzy. Ol fýtbolshydan 3 jas úlken. Eki balasymen kúıeýinen ajyrasqan. Mamandyǵy jýrnalıst. Sport taqyrybyna mamandanǵan. Sankt-Peterbýrgtiń ýnıversıtetiniń jýrnalıstıka fakýltetin bitirgen.
Darıanyń kýrstasynyń sózine qaraǵanda, ol oqyp júrgende-aq kórkimen kózge túsken, biraq tákábbar bolǵan.Únemi jaqsy ómirdi ańsap júrgen.
Darıa qazir London qalasynda turady. Sonda sport ındýstrııasynda qyzmet etedi.
Murat Aıtqoja.
