Mundaı jaǵdaılar ásirese, turmysy tómen otbasylardyń arasynan kóp shyǵady. Iývenaldyq polısııa bólimsheleriniń qyzmetkerleri men muǵalimder birlesip, kezbelikke yńǵaı bildiretin jasóspirimderi bar úılerdi aralaǵanda osyndaı jaǵdaıdyń kóp ekenin anyqtaǵan. Máselen, túngi mezgilde kóshe kezgen 16 jasar bir jasóspirim polıseılerdiń nazaryna birneshe ret ilikken. Al onyń anasy balasynyń tárbıesine kóńil bólmeı, óz betinshe ketken. Mine, osy áıel ata-analyq mindetin oryndamaǵany úshin úsh ret ákimshilik jaýapkershilikke tartyldy. Qazirgi kezde jasóspirim ıývenaldyq polıseılerdiń erekshe baqylaýynda tur, kezekti ret tártip buzǵan jaǵdaıda otbasyna qatysty materıal Petropavl qalasy ákimdigi janyndaǵy kámeletke tolmaǵandardyń isteri jónindegi komıssııanyń qaraýyna shyǵarylady.
"Biz osyndaı turmysy tómen otbasylaryndaǵy jáne túrli esepterde turǵan jasóspirimdermen jumysty basty nazarymyzda ustaımyz",- deıdi SQO PD JPQ basqarmasy bastyǵynyń orynbasary, polısııa maıory Aleksandr Rozbah.
Tártip boıynsha saǵat 23.00-den keıin balalar men jasóspirimder tek ata-analarymen nemese olardyń zańdy ókilderimen úıden tys jerde bolýyna ruqsat etiledi. Alaıda, qalada shala tanıtyn eresektermen birge qydyrystap júrgender de kóp ushyrasqan. Jeti jaǵdaı boıynsha balalardyń spirttik ishimdik ishken faktileri de anyqtalǵan. Mundaı qylyqtar úshin ata-analaryna jaýap berýge týra keldi. Budan basqa, bir aı ishinde jasósprimderdiń 21 joǵalý faktisi tirkeldi. Jasóspirimderdiń óz betinshe úıinen ketýine ata-ananyń qatań qadaǵalaýy bolmaǵandyqtan óziniń erkindigin jáne táýelsizdigin kórsetkisi keletindigi ıtermeıleıdi deıdi polıseıler.
PETROPAVL
