Keshe, 17 qazan kúni Máskeýde kisi óltirdi degen aıyp taǵylyp, qamaýǵa alynǵan Ázerbaıjan eliniń týmasy Orhan Zeınalov sotta óziniń qylmysyn moıyndaýdan bas tartty. Bul týraly «AıF» habarlady.
Reseı astanasynyń Batys Bırıýlovo aýdanyndaǵy oryn alǵan jappaı tártipsizdiktiń sebebi – osynda turatyn 25 jasar Egor Sherbakovtyń kisi qolynan pyshaqtalyp ólýi arada birneshe kún ótkende kúdikti degen kóleńke túsken ázerbaıjan 31 jasar jigiti Orhan Zeınalovtyń tutqynǵa alynyp, sot aldyna deıin keltirilýine muryndyq boldy. Beısenbi kúni Máskeýdiń Presnıa aýdanynyń soty kavkazdyq jigitke baılanysty jaza taǵaıyndaýǵa kiristi. Munyń aldynda Zeınalov óziniń advokatymen jáne Ázerbaıjan eliniń konsýlymen kezdesken bolyp shyqty.
Budan sál buryn Ázerbaıjannyń Máskeýdegi elshiligi Reseı Ishki ister mınıstrligine kúdiktige advokat pen konsýldyń jiberiýlin talap etken hat joldaǵan bolatyn.
Orhan Zeınalov Máskeý túbindegi Kolomna qalasynda ótken seısenbi, 15 qazan kúni qolǵa tústi. Máskeý ishki ister qyzmetindegi basshylardyń aıtýlarynshsha, ol tutqynǵa alynǵan kezinde óziniń kisi óltirgenin moıyndaǵyn. Sosyn ádeıilep óltirmegenin, qorǵanys maqsatynda qımyldaǵanyn aıtqan. Al sotta munyń bárinen bas tartqan.
Sáken Maılybaı.
