Túrkistan oblysynyń polıseıleri karantın talaptarynyń saqtalyp, onyń oryndalýy barysy boıynsha qarqyndy jumys júrgizýde. Osyndaı kezekti jumys kúninde Saıram APB-ne Mankent aýylyndaǵy turǵynnyń biri óz úıinde 50-den astam azamattardy jınap, kelin túsirý toıyn ótkizip jatqany týraly habarlama kelip tústi.
Aqparat alysymen atalǵan mekenjaıǵa aýdandyq polıseıler men ákimdik qyzmetkerlerinen qurylǵan mobıldik top tez arada jetip, tekserý jumystaryn júrgizdi. Nátıjesinde, polıseıler yǵy-jyǵy adam jınalǵan toıdy toqtatty. Karantın talaptaryn saqtamaı, óreskel quqyq buzǵany úshin toı ıesine QR ÁQBtK-niń 425-babyna sáıkes "Halyqtyń sanıtarlyq-epıdemııalyq salaýattylyǵy salasyndaǵy zańnama talaptarynyń, sondaı-aq gıgıenalyq normatıvterdiń buzylýy" hattama toltyryldy. Jınaqtalǵan aqparattar sheshim qabyldaý úshin tıisti organǵa jiberildi. Aýdanda osyǵan uqsas taǵy eki jaıt tirkeldi.
Onyń birinde jergilikti turǵyn óz úıine 20-dan astam adam jınap, kelin túsirgen. Al kelesi turǵyn 15-ten astam adam jınap, qyz uzatý toıyn ótkizgen. Bul eki jaıtta da mobıldik top shuǵyl jetip, adamdardyń kóptep shoǵyrlanýyna jol bermeı, toı-jıyndardy toqtatqan. Jınaqtalǵan is-qujattary tıisti sheshim qabyldaý úshin Densaýlyq saqtaý mınıstrligine qarasty Túrkistan oblysy boıynsha taýarlar men qyzmetterdiń sapasy men qaýipsizdigin baqylaý komıtetine jiberildi.
Jalpy, aýdan kóleminde jumys jasap jatqan mobıldik toptar 80 karantın talaptaryn buzý jaıttaryn anyqtap, olarǵa QR ÁQBtK-niń 425-baby "Halyqtyń sanıtarlyq-epıdemııalyq salaýattylyǵy salasyndaǵy zańnama talaptarynyń, sondaı-aq gıgıenalyq normatıvterdiń buzylýy" boıynsha hattama toltyrǵan. onyń ishinde úshjaıt úılený toıy men otbasylyq jıyndardy uıymdastyrý.
