Sonyń ishinde 5-eýi jańa mektep bolsa, 3-eýi qosymsha qurylys. Bulardyń qatarynda Beket batyr-Tashenov kósheleriniń qıylysynda ornalasqan 1 óner mektebi de bar.
Nátıjesinde, apatty mektepter sany 2-den 1-ge, úsh aýysymdy mektepter sany 19-dan 14-ke azaıady.
2020 jyly qalada 13 bilim berý nysanynyń qurylysy júrse, sonyń ishinde 4 mektep qurylysy keler jylǵa josparlanyp otyr. Karantındik shekteýlerge qaramastan Shymkentte salynyp jatqan áleýmettik nysandar qurylysy kestege saı júrgizilýde. Jalpy, nysandardyń qurylysyna 620 jumysshy jumyldyrylǵan.
Sonymen qatar Shymkent qalasynyń bilim uıymdarynda aǵymdaǵy jóndeý aıaqtalyp, 15 mekemede kúrdeli jóndeý, 17 mekemede sport alańdary jáne 36 mektepke ishki ájethanalar ornatylyp iske qosyldy. Al mektep partalary 18 000-ǵa jańaryp, sońǵy úlgidegi beıne baqylaý kameralary men 30 mektepke týrnıketter ornatý josparlanýda.
