Qalanyń onlaın-aktıvinde elorda ákimi Altaı Kólginov A.Qaısaǵalıevke úlestik qurylys máselelerin sheshýge baǵyttalǵan jumysy, sý tasqynyna qarsy is-sharalardy tabysty ótkizgeni, "Nur-Sultan — jaıly qala" master-jospary qaǵıdaty boıynsha qoǵamdyq keńistikter men aýlaishilik aýmaqtardy damytyp, basqa da birqatar mańyzdy mindetterdi tabysty oryndaǵany úshin alǵys bildirdi.
Prezıdent Ákimshiligimen kelise otyryp ákimniń orynbasary qyzmetine 47 jasar Nurlan Soltambekov taǵaıyndaldy. Ol 20 jyldan astam ýaqyt memlekettik qyzmette eńbek etip keledi. Mamandyǵy — ınjener-qurylysshy. Eńbek jolyn aǵash ustasy sehynyń sheberinen bastady. Ár jyldar boıy birqatar basqarmalarda túrli pozısııalarda eńbek etti. 5 jyl boıy elordanyń kommýnaldyq sharýashylyq basqarmasy basshysynyń orynbasary laýazymynda jumys istedi. Sońǵy jyldary «Nur-Sultan qalasynyń kólik jáne jol-kólik ınfraqurylymyn damytý basqarmasyn»,«otyn-energetıka kesheni jáne kommýnaldyq sharýashylyq basqarmasyn» basqardy. Merıtokratııa qaǵıdatyna sáıkes bas mamannan qala basshysynyń orynbasaryna deıin qyzmet atqarǵan. Elorda ákimi jańa orynbasarynyń aldyna birqatar mindet qoıdy.
