Shyǵys Qazaqstan oblysynda dári-dármek boıynsha jaǵdaı turaqtalyp keledi. Bul týraly "Shyǵys – Adaldyq alańy" jobalyq keńsesiniń jetekshisi M. Bahyt málimdedi.
Jobalyq keńse jetekshisi Marjan Bahyttyń sózinshe:
– Shyǵys Qazaqstannyń Taýarlar men kórsetiletin qyzmetterdiń sapasy men qaýipsizdigin baqylaý departamentiniń 2020 jylǵy 10 shildedegi №611 buıryǵyna sáıkes qurylǵan arnaıy monıtorıngtik top búgingi kúnge deıin kúndelikti dárihanalarǵa monıtorıng jumystaryn júrgizýde. Barlyǵyn salystyra kele dári tapshylyǵynyń óńirimizdi tómendegenin atap ótkim keledi. Qazir barlyq dárihanalarǵa ystyq túsiretin preparattar kelip tústi. Bir adamǵa 2 danadan satylyp jatyr. Kezekti baqylaý barysynda biz dári baǵasynyń ósip ketpeýin qadaǵalaýdamyz.
Aıta ketkenimiz jón, jobalyq keńse dári-dármek boıynsha barlyq jaǵdaılar men shet memleketten keletin gýmanıtarlyq kómekterdi basty nazarda ustap otyr.
Osyǵan baılanysty, eger siz dári-dármekterdiń baǵasyn kóterý faktilerine tap bolsańyz, jemqorlyqqa qarsy Call-center 1424 qońyraý shalý nemese "Adaldyq alańy" respýblıkalyq jobalyq keńsesiniń WhatsApp-nómirine habarlaý qajet +7 702 000 24 94 ("Adaldyq alańy") respýblıkalyq jobalyq keńsesi), + 7 778 474 69 35 ("Shyǵys – Adaldyq alańy" jobalyk keńsesi).
