Qujatta jeke tulǵalar úshin ósimpuldy esepten shyǵarý boıynsha salyqtyq raqymshylyq týraly norma qarastyrylǵan, dep habarlady QR QM Memlekettik kirister komıtetiniń baspasóz qyzmeti.
Aıta keteıik, 2020 jylǵy 1 sáýirdegi jaǵdaı boıynsha salyq tóleýshiniń jeke shotynda esepte turǵan jáne ony tóleý kúninen kesh eseptelgen jeke tulǵalardyń múlik, jer jáne kólik salyqtary boıynsha ósimaqylar esepten shyǵarylady.
"Salyq boıynsha negizgi borysh somasyn tóleý esepten shyǵarýdyń basty sharty bolyp tabylady. О́simpul tólengen salyqtyń túri boıynsha esepten shyǵarylady.
2020 jylǵy 1 qazanǵa deıingi merzimde tólenýi qajet 2019 jylǵy múlik salyǵy men jer salyǵy boıynsha mindettemeler qosylmaıdy.
Salyqtyq raqymshylyq jasaý merzimi – 2020 jylǵy 31 jeltoqsanǵa deıin.
Osyǵan baılanysty Memlekettik kirister organdarynyń barlyq aýmaqtyq bólimshelerinde ósimpuldy esepten shyǵarý jónindegi komıssııalar qurylatyn bolady.
О́simpuldy esepten shyǵarý úshin eshqaıda barýdyń qajeti joq. Boryshtyń negizgi somasyn tóleý jetkilikti. О́simpul avtomatty esepten shyǵarylady", - delingen vedomstvo málimetinde.
