Memleket qarjysyna jóndelip jatqan jol, ıa ońdalyp jatqan nysan sol mańaıdaǵy jumyssyzdyq máselesiniń sheshilýine de yqpal etýi tıis. Baǵdarlamanyń óńirde júzege asyrylý barysy oblys ákimdiginde talqylandy. Jıynda jolaýshylar kóligi jáne avtomobıl joldary basqarmasy basshysynyń orynbasary oblystaǵy kúre joldardyń ońdalýy barysynda eńbekke tartylǵan turǵyndar týraly esep berdi.
A.Kostıýkovtyń málimetinshe, «Jumyspen qamtýdyń jol kartasy» baǵdarlamasy boıynsha aımaqta jyl basynan beri 5,4 mlrd teńge ıgerilgen. Baǵdarlama boıynsha jalpy sany 5064 adamdy eńbekpen qamtý josparlanǵan. Qazirdiń ózinde 939 adam jumysqa turypty.
– Otyz shaqty nysanda qurylys-montaj jumystary áli bastala qoıǵan joq. Taıaý kúnderi Áýlıekól, Beıimbet Maılın, Qamysty aýdandarynda 3 joba qolǵa alynady. Altynsarın aýdanynda 2, al oblys ortalyǵynda 25 jobany júzege asyrýdy bastaımyz. Bul jobalar 2 myńnan astam adamdy jumyspen qamtýǵa múmkindik beredi. Olardyń deni jumyspen qamtý ortalyqtary arqyly jumysqa ornalasatyn bolady. Munyń syrtynda, jol jóndeý jumystaryna paıdalanylatyn materıaldardyń 90%-y jergilikti kásiporyndardan satylyp alynady, – dedi A.Kostıýkov.
Oblys ákimi Arhımed Muhambetov jol qurylysyna jaýapty mekeme basshylaryna merdigerlermen kelisimshart jasaýda asa muqııat bolyp, jol jóndeý jumystarynyń oryndalý sapasyn qatań baqylaýdy tapsyrdy.
QOSTANAI
