Elorda • 28 Shilde, 2020

Elordanyń Úrker turǵyn alabyna sý tartyldy

10 ret kórsetildi

Munda eki qoǵamdyq keńistiktiń qurylysyn aıaqtap jatyr. Bul týraly elorda ákimdiginiń resmı saıtyny silteme jasaı otyryp Egemen.kz habarlaıdy.

Búgin Nur-Sultan ákimi Úrker eldimekeninde júrgizilip jatqan jumystardyń barysymen tanysty.

"Eldi mekende "Aýǵan oramy" bar (ekinshi sektor). Byltyr eldi meken turǵyndary úılerdi sýmen qamtamasyz etý, kósheler men joldardy jaryqtandyrý boıynsha birqatar máseleni kóterdi. Bıyl jazda aýdannyń barlyq úılerine sý tartyldy. Jol tóselip, jaryq berildi. Káriz jumystary júrgizilip jatyr. Sonymen birge oqý jyly bastalǵanǵa deıin eldi-mekende uıaly baılanysty jaqsartý úshin antenna ornatýdy tapsyrdym", dep jazady Altaı Kólginov óziniń Instagram paraqshasynda.

Sonymen qatar Úrker eldi mekeninde eki qoǵamdyq keńistiktiń qurylysy aıaqtalady.

"Bul jergilikti turǵyndar ýaqytyn paıdaly ótkizetin jerge aınalmaq. Úrker eldi-mekeninde 2 myń oryndyq mektep qurylysyn josparlap otyrmyz. Jyl sońyna deıin eldi mekende 10 kanalızasııalyq sorǵy stansasyn ornatamyz, 8,5 km jol asfalttaımyz", dep atap ótti Altaı Kólginov.

Qalada barlyǵy 280 myń halyq turatyn 16 eldi-meken bar. Bul — qala halqynyń tórtten biri. Jumystar barlyq eldi mekenderde júrgizilip jatyr. Eldi mekenderdi damytý máselesi Memleket basshysynyń baqylaýynda.

Sońǵy jańalyqtar

Uqsas jańalyqtar