Qazaqstan • 28 Shilde, 2020

Qazaqstanda karantın engizilgennen bastap KVI jaǵdaılary 29%-ǵa tómendedi

12 ret kórsetildi

QR Premer-Mınıstri Asqar Mamınniń tóraǵalyǵymen ótken selektorlyq Úkimet otyrysynda epıdemıologııalyq jaǵdaı jáne koronavırýs ınfeksııasyna qarsy kúres sharalary qaraldy. Elimiz boıynsha aǵymdaǵy jaǵdaı týraly densaýlyq saqtaý mınıstri Alekseı Soı baıandap berdi, - dep habarlady Egemen.kz

Mınıstr habarlaǵandaı, 5 shildede qatań karantındik shekteý sharalary engizilgennen bastap 3 apta ishinde 35 951 jańa KVI-men aýyrý tirkeldi. Jalpy, tirkelgen jaǵdaılardyń 29%-ǵa tómendeýi baıqalyp otyr. 

"COVID-19-ben aýyrý jaǵdaıy orta eseppen táýligine 1600 adam deńgeıinde turaqtandy. Sondaı-aq, kereýetterdiń bos bolmaýy 43%-ǵa, onyń ishinde 27%-ǵa tómendeýi baıqalady. Saýyǵyp ketkenderdiń sany 63%-ǵa deıin ósti. Osylaısha, densaýlyq saqtaý júıesine júktemeniń negizgi kórsetkishteriniń tómendeýine qol jetkizildi", — dedi A. Soı. 

Karantındik sharalardy jeńildetýdiń ázirlengen krıterıılerine sáıkes, mınıstrlik ınfeksııanyń reprodýktıvtik kórsetkishin (bir naýqas oqshaýlanǵanǵa deıin aýrýdy juqtyratyn adamdar sany) jáne KVI emdeý úshin ınfeksııalyq stasıonarlardyń tósek-oryn qorynyń qamtylý paıyzyn qadaǵalaıdy.

Osylaısha, 3 aptada karantın nátıjesinde kelesilerge qol jetkizildi. Infeksııanyń reprodýktıvtik kórsetkishi 1,2%-dan 0,99%-ǵa deıin tómendedi. Jáne tósek-oryndardyń qamtylý paıyzy 90%-dan 47%-ǵa deıin tómendedi.

Osylaısha, densaýlyq saqtaý júıesine túsetin júktemeniń negizgi kórsetkishteriniń joǵaryda kórsetilgen oń serpini karantındik sharalardy kezeń-kezeńmen jumsartý múmkindigi bar ekenin kórsetip otyr. 

"COVID-19-dan syrqattanýshylyq pen ólim-jitim jaǵdaıyn odan ári turaqtandyrý ekonomıkanyń barlyq sektorlarynyń úılesimdi jumysyna jáne tartylýyna baılanysty ekenin erekshe atap ótkim keledi. Atap aıtqanda: qabyldanatyn turaqtandyrý sharalarynyń tıimdiligi tek qana 30%-ǵa medısınalyq kómek pen epıdemıologııalyq is-sharalardyń sapasyna baılanysty", — dedi vedomstvo basshysy. 

Sonymen qatar, qalǵan 70%-y jıyntyǵynda maska rejımi men gıgıenany saqtaýǵa (30%), sondaı-aq áleýmettik qashyqtyq normalaryn saqtaýǵa (40%) baılanysty. 

Mınıstr atap ótkendeı, búgin barlyq qazaqstandyq qoǵamǵa koronavırýs emes, qaýipsizdik pen salaýatty ádetter «juqpaly» bolýy úshin barlyq sharalardy qabyldaý qajet.

"Ol úshin eń aldymen maska rejımi men gıgıenany odan ári saqtaýdy qamtamasyz etý qajet. Úıden tys jerlerde maskalardy kııý ınfeksııanyń berilýin 30%-ǵa qysqartady. Infeksııanyń taralýynda qol gıgıenasy erekshe ról atqarady", — dedi A. Soı.

Osyǵan baılanysty: 

Birinshiden, múddeli MU men JAO-dy tarta otyryp, maska rejımin saqtaý úshin bıznestiń baqylaýyn jáne jaýapkershiligin kúsheıtý (qaýipsizdik beldigin mindetti túrde qoldaný mysalynda).

Ekinshiden, barlyq qoǵamdyq oryndarda qoldy zalalsyzdandyrý úshin sanıtaızerler ornatýdy qamtamasyz etý. 

Úshinshiden, barlyq aqparattyq arnalar arqyly halyqpen aqparattyq-túsindirý jumystaryn júrgizýdi qamtamasyz etý. 

Sondaı-aq, áleýmettik qashyqtyq qaǵıdaty saqtalýy tıis, ol mynalardy qamtıdy:

  • Keńselerdiń qashyqtan jumysyn (20/80 qatynasynda) jáne oqýshylar men stýdentterdi qashyqtyqtan oqytýdy.

  • Maska rejımin jáne áleýmettik qashyqtyqty saqtaý múmkin emestigine baılanysty buqaralyq is-sharalardyń barlyq túrlerine tyıym salý.

  • Baqylaýdy kúsheıte otyryp, zonalaýdy, belgileýdi jáne obektilerdiń toltyrylýyn saqtaýda bıznestiń jaýapkershiligin arttyrý.

Bul sharalar barlyq aqparattyq arnalar boıynsha halyq arasynda kúsheıtilgen aqparattyq-túsindirý jumysyn júrgizýmen súıemeldenýi tıis.

A. Soıdyń aıtýynsha, osylaısha, kúsheıtilgen sanıtarlyq-dezınfeksııalyq rejımdi saqtaý, maska taǵý jáne áleýmettik ara qashyqtyqty saqtaý jaǵdaıynda 2020 jylǵy 3 tamyzdan bastap ınfeksııanyń reprodýktıvtilik kórsetkishine keminde (R ≤ 1) jetken kezde, sondaı-aq bir apta ishinde tósek-oryndardyń qamtylý kórsetkishi 70%-dan az jáne ólim-jitim deńgeıi tómendegen kezde mynadaı ınfraqurylymdyq obektilerdiń qyzmetine ruqsat etiledi: 

  • Ýaqyty men kúnder boıynsha shekteýlermen saýda-oıyn-saýyq ortalyqtary, saýda úıleri, saýda jelileri, jabyq azyq-túlik, azyq-túliktik emes bazarlar;

  • Balalarǵa arnalǵan túzetý kabınetteri, bilim berý ortalyqtary, balalardy damytý ortalyqtary, toptarda 5 adamnan aspaıtyn úıirmeler;

  • Kezekshi toptar rejımindegi mektepke deıingi balalar mekemeleri;

  • sulýlyq salondary, shashtarazdar, kosmetıkalyq jáne kosmetologııalyq qyzmet kórsetetin ortalyqtar men salondar, aldyn ala jazylý boıynsha manıkıýr jáne pedıkıýr salondary;

  • Qashyqtyqtan jumys isteý formasy memlekettik organdardyń (uıymdardyń) qyzmetkerleri men keńse qyzmetkerleriniń keminde 80%-y úshin saqtalýy tıis.

Densaýlyq saqtaý mınıstri áleýmettik qashyqtyqty saqtaı otyryp, ashyq aýada jeke jáne toptyq jattyǵýlar jasaýǵa ruqsat etiletinin atap ótti. Sondaı-aq ulttyq quramalar úshin 30 adamnan aspaıtyn qurammen sporttyq jattyǵýlar jasaýǵa bolady.

Halyqtyń júrip-turýyna qatysty mynadaı talaptar saqtalady:

  • Kóshelerde júrý, saıabaqtarǵa, skverlerge jáne jaǵalaýlarǵa barý — 3 adamnan aspaýy tıis;

  • Qoǵamdyq kóliktiń maska taǵý, sanıtarlyq-dezınfeksııalyq rejımdi saqtaý jáne kondýktorlardyń bolýymen, ýaqyt boıynsha shekteýlerdi saqtaı otyryp jáne jolaýshylardy 50%-dan asyrmaı jumys isteýi.

Sonymen qatar salynǵan tyıymdardy saqtaý qajet:

  • kópshiliktiń qatysýymen ótetin is-sharalardyń barlyq túrlerine, oıyn-saýyq mekemeleriniń, kınoteatrlardyń, fýdkorttardyń, banket zaldarynyń jumysyna;

  • meıramhanalar, barlar, túngi jáne oıyn klýbtarynyń jumysyna;

  • mádenıet nysandarynyń, mýzeılerdiń jumysyna, konferensııalar, kórmeler, forýmdar ótkizýge;

  • sport zaldarynyń, fıtnes-ortalyqtardyń, basseınderdiń, akvapark jaǵajaılarynyń jumysyna;

  • dinı nysandar jumysyna;

  • qala mańyndaǵy jolaýshylar poıyzdarynyń (jumys poıyzdarynan basqa, elektrıchkalardyń) qozǵalysyna, ortaq vagondardy, qalaaralyq avtobýstardy (shaǵyn avtobýstardy) qalyptastyrýǵa.

Sońǵy jańalyqtar

Beınebaqylaý kamerasynyń kómegi kóp

Aımaqtar • Búgin, 22:42

Úsharal garnızony tekserildi

Aımaqtar • Búgin, 20:26

Jastar saıty iske qosyldy

Aımaqtar • Búgin, 18:37

Apat eki adamnyń ómirin qıyp ketti

Aımaqtar • Búgin, 18:30

Sýǵa ketken balalar tabylmaı jatyr

Aımaqtar • Búgin, 17:55

Aqmaral Álnazarova – Senat depýtaty

Saıasat • Búgin, 16:18

Ustaz joly

Rýhanııat • Búgin, 16:00

Uqsas jańalyqtar