Bilim • 28 Shilde, 2020

Ashat Aımaǵambetov joǵary oqý oryndarynda baǵany ósirmeýdi usyndy

3766 ret kórsetildi

Búgin Bilim mınıstri Ashat Aımaǵambetov mınıstrliktiń onlaın jınalysynda JOO-nyń basshylaryna naqty eki másele boıynsha usynys tastady, dep habarlaıdy Egemen.kz

Ashat Aımaǵambetovtyń aıtýynsha, pandemııa saldarynan eldegi ahýal qıyndaı tústi. Onyń ishinde stýdentter oqýlaryn ýaqtyly tólem jasaýda da múmkinder azaıyp otyr. Jalpy eldegi ekonomıkalyq jaǵdaıǵa baılanysty JOO tarapynan izdenýshi jastarǵa qoldaý jumystaryn júrgizýdi jáne naqty eki máselege toqtalǵysy keletini týraly málimdedi.

"Birinshiden, qaryzdary bar stýdentterge bólip tóleý múmkindikterin berý. Biz qazir júrgizilgen taldaýdyń nátıjesin kórip otyrmyz. Biraq osyndaı máseleler bar. (...) Sondyqtan bólip tóleýge múmkindik qarastyrýlaryńyzdy suraımyn.

Ekinshiden, biz alǵan aqparatqa sáıkes, biraz joǵary oqý orny qazir oqýdyń baǵasyn kóterýdi josparlap otyr eken. Sondyqtan bul másele boıynsha da sizderge degen bir ótinish bar. Ol ótinish – osy ahýaldy bile otyryp, joǵary oqý oryndarynda baǵany ósirmeý. Bul – óte mańyzdy. Sondyqtan bul máseleni qarastyryp, tıisti sheshim qabyldaıdy ǵoı dep senemin", deıdi Ashat Aımaǵambetov.

Budan bólek, Bilim mınıstri vedomstvo tarapynan JOO-lardy qoldaý boıynsha baǵdarlama daıyndap jatqanyn jáne ol joǵaryda atalǵan máselelerdi sheshýge kómektesetinin tilge tıek etti.

Ashat Aımaǵambetov: "Ol tek qarjylaı qoldaý máselesi emes, basqa da reformalarǵa baılanysty. Osy ózgeristerdi sizderge jetkizip, jumys tobyn qurǵan edik. Onyń ishinde JOO-nyń bilimdi, bilikti, tájirıbeli rektorlary, sarapshylar qatysqan bolatyn. Sonyń nátıjesinde biraz sheshim qabyldaýǵa daıynbyz. Bul sheshimder de JOO-nyń básekege qabilettiligin kóterýge kómektesedi jáne de qarjy jaǵyna baılanysty biraz múmkindik beredi. (...) О́z tarapymyzdan osy ózgeristerdi jarııalaımyz. Bul da sizderge osy jumystardy qolǵa alyp, sheshýge múmkindik beredi dep oılaımyn", deıdi Bilim mınıstri.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar