Qazaqstan • 28 Shilde, 2020

Halyqaralyq ekologııa akademııasynyń prezıdenti Musaǵalı Dýambekov dúnıeden ótti

523 ret kórsetildi

Halyqaralyq ekologııa akademııasynyń prezıdenti Musaǵalı Dýambekov qaıtys boldy, - dep habarlaıdy Egemen.kz.

Musaǵalı Sársenbaıuly Dýambekov 1961 jyly 5 mamyrda Jambyl oblysynyń Qarataý qalasynda dúnıege kelgen. 

Qazaq polıtehnıka ınstıtýtynyń Qarataý fılıalyn, qazirgi Máskeý memlekettik qurylys ýnıversıtetiniń aspırantýrasyn bitirgen. 100-den astam ǵylymı jarııalanymnyń jáne ónertabystyń avtory.

Tehnıka ǵylymynyń doktory, professor. 

Onyń "Qazaqstan ekologııasy", "Kaspıı teńiziniń ekologııalyq qaýipsizdigi", "Ekologııalyq menedjment", t.b. kitaptary jaryq kórgen. 

1990-1996 jyldary - Q.Sátbaev atyndaǵy Qazaq ulttyq tehnıkalyq ýnıversıtetiniń oqytýshysy, aǵa oqytýshysy, dekany. 

1996-1998 jyldary - Taraz ýnıversıteti ınjenerlik-tehnıkalyq mamandyqtarynyń Qarataý oqý-ǵylymı metodıkalyq kesheni dırektorynyń orynbasary, "Kásiporyndardy taratý jáne qaıta qurý agenttigi" AQ Jambyl fılıaly dırektorynyń orynbasary. 

1998-2000 jyldary - Jambyl memlekettik múlik jáne jekeshelendirý aýmaqtyq komıtetiniń tóraǵasy.

2000-2001 jyldary - Taraz memleketik ýnıversıteti janyndaǵy ekologııalyq-ekonomıkalyq máseleler ǵylymı-zertteý ınstıtýtynyń aǵa ǵylymı qyzmetkeri. 

2001-2003 jyldary - QR Tabıǵı resýrstar jáne qorshaǵan ortany qorǵaý mınıstriniń keńesshisi, "Qazaqstan Temir Joly» UK" JAQ Tehnıkalyq departamenti dırektorynyń orynbasary. 

2003-2004 jyldary - Qazaq kólik jáne kommýnıkasııalar akademııasy Aqmola fılıalynyń dırektory. 

2004-2005 jyldary - "Jasyl ǵalamshar úshin" ekologııalyq qozǵalysy" respýblıkalyq qoǵamdyq birlestiginiń tóraǵasy. 

2007-2011 jyldary "Ekologııalyq taza taǵam" jýrnalynyń bas redaktory. 

2011-2012 jyldary "Qarabýra áýlıe mádenı ortalyǵy" qoǵamdyq qorynyń prezıdenti. 

2012 jyldan bastap "Halyqtyq jemqorlyqqa qarsy komıtet" qoǵamdyq qorynyń prezıdenti.

 

Sońǵy jańalyqtar

Uqsas jańalyqtar