Polısııa qyzmetkerlerimen izdestirý sharalary barysynda qoldy bolǵan 50-ge jýyq velosıped jábirlenýshilerge qaıtaryldy.
20 mamyr saǵat 20:40 pen 21 mamyr saǵat 17.00 aralyǵynda qaladaǵy Sh.Ýálıhanov kóshesindegi kóp qabatty úı dáliziniń 2-qabatynda turǵan quny 60 myń turatyn markasy “Trinx” velosıpedin, 22 mamyr kúni saǵat 10.00 men 12.00 aralyǵynda qaladaǵy Sátpaev kóshesi #41B úıdiń dálizinde turǵan quny 80.000 teńge turatyn qara tústi sporttyq velosıpedin jasyryn urlap, boı tasalap qashyp ketken kúdikti izdestirý sharalary barysynda ustaldy.
24 jastaǵy qala turǵyny tergeý ızolıatoryna qamaýǵa alyndy.
Qalalyq polısııa basqarmasynyń 1-bóliminiń qyzmetkerleri velosıped urlyǵyn “kásip” etken 2001 jylǵy kúdiktini anyqtady. Tekserý barysynda, bul jigittiń úsh velosıpedti qoldy qylǵany anyqtaldy.
Jedel ýákildermen velosıped urlyǵyna qatysty 27 jastaǵy áıel anyqtaldy.
Ol qalanyń Nursaıa yqsham aýdanyndaǵy úılerdiń dálizderinde qaldyrylǵan eki velosıpedti jáne balalarǵa arnalǵan samokatty qasyna tórt jastaǵy qyz balasyn ertip júrip jasapty. Kúdiktiniń basqa urlyqqa qatysy bar-joǵy tekserilýde.
Al, 15 shilde saǵat 21.00 men 16 shilde saǵat 08.40 aralyǵynda belgisiz adam Atyraý qalasy Aq-shaǵala yqsham aýdany 2-kóshedegi úılerdiń biriniń dálizinde turǵan quny 90.000 teńge turatyn markasy “Stels” velosıpedin urlaǵan. Joǵalǵany boıynsha izdestirý sharalary barysynda qylmysqa kúdikti 2002 jyly týǵan qala turǵyny anyqtalyp, QR QK-ń 188-babynyń 1-bóligimen qylmystyq is qozǵaldy.
Atyraý qalasy Polısııa basqarmasy velosıped ıelerine velosıpedti úı dálizderine, saýda úıleriniń nemese basqa da mekemelerdiń beınekameramen qamtylǵan aýmaqtaryna qaldyrýdy usynady. Al, úı dálizderine, aýla syrtyna qaldyrǵan jaǵdaıda qulyptap bekitý kerektigin eskertedi.
