Qazaqstan • 28 Shilde, 2020

Qazaqstanda memlekettik qyzmetke ornalasý tártibi ózgerdi

847 ret kórsetildi

Qazaqstanda memlekettik qyzmetke ornalasý boıynsha konkýrs endi 2 kezeńmen ótkiziledi, dep habarlady Memlekettik qyzmet isteri agenttiginiń baspasóz qyzmeti.

"Memleket basshysy qol qoıǵan "Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańy negizinde "Qazaqstan Respýblıkasynyń memlekettik qyzmeti týraly" Zańyna túzetýler engizildi.Engizilgen túzetýlerge sáıkes, barlyq memlekettik organdardyń qyzmetkerleri arasynda ótetin ishki konkýrs jalpy konkýrspen biriktirilgen. О́zgerister 2020 jyldyń 17 shildesinen bastap kúshine endi.Buǵan deıin memlekettik organdar konkýrstardyń úsh túrin júıeli túrde ótkizip keldi. Olar: memlekettik organnyń óz qyzmetkerleri arasyndaǵy konkýrs, barlyq memlekettik qyzmetkerler arasyndaǵy konkýrs jáne barlyq azamattar arasyndaǵy jalpy konkýrs", - delingen habarlamada.

О́z kezeginde bul jańashyldyq memlekettik organdardyń bos laýazymdaryn ýaqyt sozbaı toltyrýǵa yqpal etedi.

Budan bólek,  atalǵan jańashyldyq strategııalyq maqsattarǵa qol jetkizý úshin kadrlyq sheshimder qabyldaýda memlekettik organdardyń utqyrlyǵyn arttyrýǵa septigin tıgizedi.

Osynyń aldynda konkýrstardyń úsh túrin ótkizý bos oryndardy toltyrý úshin kóp ýaqytty talap etetin. Bos laýazymdarǵa ornalasý konkýrstarynyń barlyq kezeńderin ótkizý úshin 50 jumys kúnine deıin sozylatyn,  al qazirgi ýaqytta bul rásim 15 jumys kúnine deıin qysqartyldy.

Atalǵan tásil júıeniń mansaptyq modelin buzbaıdy, al oǵan úlken utqyrlyq beredi jáne tutastaı alǵanda, jeke sektordan talantty mamandardy tartý prosesin jedeldetýge múmkindik beredi.

Sonymen qatar, memlekettik qyzmetshilerdiń jalpy konkýrstarǵa qatysý tártibi jeńildetildi. О́tken jyldyń qarasha aıynda Zańǵa memlekettik qyzmetkerlerdi jalpy konkýrsqa qatysý kezinde testileýden ótýden bosatatyn túzetýler engizildi.

Osylaısha, memlekettik qyzmetshiler endi jalpy konkýrstarǵa jalpy negizde emes, ishki konkýrsqa uqsas jeńildetilgen tártip boıynsha qatysady. Osyǵan baılanysty, konkýrs kezeńderin qysqartý merıtokratııa qaǵıdattaryna teris áser etpeıdi.

Eske sala keteıik, 2020 jyldyń 3 shildesinde Memleket basshysy Q.Q. Toqaev "Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly"  QR Zańyna qol qoıǵan bolatyn.

Sońǵy jańalyqtar

Júrekterdiń daýasy

Pikir • Búgin, 07:26

Sol kúnderdi saǵynamyn...

Rýhanııat • Búgin, 07:22

Aýladaǵy «Ashyq kitaphana»

Aımaqtar • Búgin, 07:19

Volonterler jumysy pysyqtaldy

Saıasat • Búgin, 07:10

Syn aıtý ońaı...

Qoǵam • Búgin, 07:07

Siz nege túshkiresiz?

Rýhanııat • Búgin, 07:00

Indet juqtyrý qarqyny tejeldi

Qoǵam • Búgin, 06:57

Vırýsty joıatyn betperde óndiredi

Qoǵam • Búgin, 06:56

Álemdi ýysynan shyǵarar emes

Álem • Búgin, 06:54

Onlaın keńes ótkizdi

Saıasat • Búgin, 06:50

Shyǵystyń kıeli jerleri

Aımaqtar • Búgin, 06:48

Muzdyqtar «muńy»

Álem • Búgin, 06:41

Uqsas jańalyqtar