Qazaqstan • 28 Shilde, 2020

Qarýly Kúshterde jekelegen bólimshelerdi kúsheıtý josparlanýda

13 ret kórsetildi

О́tken aptada Qorǵanys mınıstrliginde Qazaqstan armııasyndaǵy ózekti máselelerdi qarastyrý týraly apparattyq keńes ótti. Bul týraly Qorǵanys mınıstrliginiń baspasóz qyzmeti habarlaıdy, dep jazady Egemen.kz

Qorǵanys vedomstvosynyń basshysy áskerlerdiń bas qolbasshysy men qolbasshysyna, áskerı qyzmetshilerdiń táýliktik narıadqa jáne jaýyngerlik kezekshilikke túsý jıiligin qaıta qaraýǵa nusqaý berdi. Tym jıi kezekshilikter, táýliktik narıadtar, qaraýyldar qyraǵylyqty báseńdetip jáne mindetterdi nemquraıly oryndaýǵa ákeledi.

Merzimdi qyzmettegi áskerı qyzmetshilerdi ásker qataryna qabyldaý jalǵasýda. 31 shildede shaqyrý aıaqtalǵanǵa deıin áskerge shaqyrylýshylardy PTR ádisimen COVID-19-ǵa tekserýdi jalǵastyrý qajet.

Áýe qorǵanysy kúshterinde taktıkalyq-saptyq sabaqtar ótkizildi. Ushý ekıpajdary kúndizgi jáne túngi jaǵdaılarda ushýlardy oryndaıdy, olarmen parashıýt daıyndyǵy boıynsha sabaqtar júrgiziledi. Áskerı ushý joǵary oqý ornynyń kýrsanttary da kásibı praktıkadan ótedi. Bolashaq ushqyshtardy tájirıbeli nusqaýshylar daıarlaıdy. О́tken aptada Aqtaýda avıasııalyq bazanyń jaýyngerlik daıyndyǵy tekserildi, onyń avıasııalyq parki tórt Mı-35M tikushaǵymen tolyqty. Qazirgi ýaqytta tehnıkany qabyldaý júzege asyrylýda. 

Mınıstr túrli jaǵdaılarǵa der kezinde den qoıý úshin avıatehnıka men áskerı-kólik avıasııasynyń ekıpajdaryn ázirlikte ustaýdy tapsyrdy.

Áskerı-teńiz kúshteri korablderiniń ekıpajdary jeke kememen belgilengen maqsaty boıynsha mindetterdi pysyqtaý jónindegi kýrstyq esepti oryndaıdy. Kýrstyq tapsyrmalardy tapsyrý prosesi ár kemeni daıyndaý baǵdarlamasynyń quramdas bóligi bolyp tabylady.

О́ńirlik qolbasshylyqtardyń áskerlerinde arnaıy-taktıkalyq oqý-jattyǵýlar ótkizildi, mamandyq boıynsha daıyndyq aıaqtalýda. Oqý-jattyǵýdyń qorytyndysy boıynsha baqylaý sabaqtary uıymdastyrylady.

"2019 jyldyń uqsas kezeńimen salystyrǵanda árbir áskerı qyzmetshiniń oqý deńgeıin naqty baǵalaý kerek", dep tapsyrdy Nurlan Ermekbaev.

"Ońtústik" óńirlik qolbasshylyǵynyń basqarý organdarymen "Aldaspan-2020" jedel-taktıkalyq komandalyq-shtabtyq oqý-jattyǵýlarǵa daıyndyq sheńberinde jınalys ótkizildi.

Tórtinshi bitimgershilik rotany BUU-nyń Lıvandaǵy mıssııasyna jiberýge jaýapty laýazymdy tulǵalardyń baıandamalary tyńdaldy.

Qarýly Kúshter polıgondaryn jappaı tazalaý jumystary jalǵasýda.

Talqylaý armııalyq taktıkalyq atystyń damýyna da áser etti. Buǵan deıin Qorǵanys mınıstri áskerı qyzmetshilerdiń túrli jaǵdaılarda, atap aıtqanda qozǵalysta, túregep turyp, tizeden, qozǵalystaǵy nysanalar boıynsha atý daǵdylaryn qalyptastyrý maqsatynda áskerı taktıkalyq atý boıynsha jattyǵýlardy jaýyngerlik daıarlyq baǵdarlamasyna engizý týraly tapsyrma bergen bolatyn.

Qorǵanys vedomstvosynyń basshylyǵymen áskerı qyzmetshiler arasynda alǵashqy jarystar ótkizýdi tapsyryldy. Osyǵan baılanysty áskerı taktıkalyq atý federasııasyn qurý týraly, jeke quramnyń jattyǵý prosesin uıymdastyrý úshin, Qarýly Kúshterde kópfýnksıonaldy atys ortalyǵyn qurý jóninde usynystar engizý týraly nusqaý berildi.

Qorǵanys vedomstvosynyń basshysy jalpy qaýipsizdik máselelerindegi Qarýly kúshterdiń árbir áskerı qyzmetshisi men qyzmetshileriniń jaýapkershiligin atap ótti. Qalǵan jeke quramnyń densaýlyǵyna qaýip tóndirmeı, emdeý kýrstaryn jáne tolyq saýyqqanǵa deıin oqshaýlaýdy saqtaý kerek.

Mınıstr ınfraqurylymdy sapaly qalyptastyrýmen jáne medısına mamandarynyń sanyn arttyrýmen medısınalyq qyzmet bólimshelerin damytý josparyn ázirleý mindetin qoıdy.

2020 jyldyń sáýirinde Radıasııalyq, hımııalyq, bıologııalyq qorǵaý jáne ekologııalyq qaýipsizdik departamenti quryldy. Búgingi jaǵdaı Qarýly Kúshterde áskerı ýaqytta da, beıbit ýaqytta da, túrli sıpattaǵy TJ-da mindetterdi oryndaýǵa qabiletti "qos maqsattaǵy" quramdaýyshtardyń bolýy qajettigin kórsetti. Osy áskerlerdiń qurylymy men quramy qazirgi zamanǵy talaptarǵa jáne perspektıvalyq mindetterge sáıkes kelýge tıis.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar