Burynǵydaı bir qujatty qolǵa alý úshin 103 kún emes, 18 kún jetedi. Al sáýlet-josparlaý tapsyrmasy, topografııa jáne tehnıkalyq jaǵdaılary bar jer ýchaskelerin berý úshin úsh rásim biriktirildi.
Osylaısha, qujat sharýasy 17 kúnge deıin qysqaryp otyr. Sonymen birge, tehnıkalyq turǵydan qarapaıym nysandardy salýǵa jobalyq-smetalyq qujattamany ázirleý jáne saraptamadan ótý rásimi tolyq alynyp tastaldy.
Munyń bári kásipkerlik ahýaldy jaqsartý máseleleri boıynsha zańnamalyq aktilerge ózgerister men tolyqtyrýlar engizilgennen keıin qoljetimdi bolyp otyr.
Sonymen qatar bıznestegi kedergilerdi azaıtýǵa, rásimderdi ońaılatý men memlekettik qyzmet alýdyń ýaqytyn qysqartý úshin de bul ózgeristiń mańyzy zor.
