Aımaqtar • 28 Shilde, 2020

Aqmola oblysynda 66 shaqyrym jol jóndeldi

16 ret kórsetildi

Aqmola oblysynda jolshylar belgilengen merzimnen buryn joldardyń 2 ýchaskesin paıdalanýǵa berip otyr. Jóndelgen joldardyń jalpy uzyndyǵy 66 shaqyrymdy quraıdy. Bul týraly Egemen.kz IIDM baspasóz qyzmetine silteme jasap habarlaıdy.

Atap aıtqanda, R-7 "Býrabaı kýrorttyq aımaǵy joly" (0-10 shaqyrymy) ýchaskesindegi jumystar aıaqtaldy. 

Merdiger "Kókshetaý joldary" uıymynyń mamandary joldyń qozǵalys bóligin qalpyna keltirip, joldyń tegisteý qabatyn jaılastyrdy, jol jıegin nyǵaıtty, joldyń qozǵalys bóligin tańbalady. Jol jabyndysynyń joǵarǵy qabatyn tóseý kezinde qıyrshyq tas jáne mastıka qospasynan jasalǵan beriktiligi joǵary asfalt-beton qoldanyldy.

"Budan bólek, merdiger "Kókshetaý – Atbasar" jolynyń (102-158 shaqyrym) 56 shaqyrymyn ortasha jóndeýden ótkizý jumystaryn aıaqtady. Munda jol jabyndysynyń joǵarǵy qabatyn jaılastyrý kezinde jolshylar usaq túıirshikti asfalt-betondy paıdalanǵan bolatyn. Jóndeý jumystaryna 33 adam men tehnıkanyń 20 birligi jumyldyryldy", - delingen habarlamada.

Sońǵy jańalyqtar

QHL: Vıza bermeı jatyr

Hokkeı • Keshe

COVID-19 adamnan ıtke juqqan

Koronavırýs • Keshe

Uqsas jańalyqtar