Úkimet • 28 Shilde, 2020

Pandemııa kezinde ınternet pen elektrondyq memlekettik qyzmetter birinshi satydaǵy qajettilikke aınaldy — B. Mýsın

29 ret kórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Sıfrlyq damý, ınnovasııalar jáne aeroǵarysh ónerkásibi birinshi vıse-mınıstri Baǵdat Mýsın Qazaqstandaǵy elektrondyq saýdanyń damýy týraly baıandady. Bul týraly Egemen.kz Premer-Mınıstrdiń baspasóz qyzmetine silteme jasaı otyryp habarlaıdy.

B.Mýsınniń aıtýynsha, pandemııa kezinde ınternet jáne elektrondyq memlekettik qyzmetter birinshi qajettiliktegi qyzmetterge aınaldy.

Elektrondyq saýdany damytý qazirgi kúrdeli ýaqytta ózekti másele bolyp otyr. Bıyl joǵary ósý qarqyny baıqalýda. Osylaısha, osy jyldyń 6 aıynda ınternet-dúkenderde satyp alý sany 19,5 mln taýarǵa jetti. Qazaqstandyq ınternet-dúkenderde satyp alý sany eki esege — 7 mln-nan 14 mln-ǵa deıin ósti.

Elektrondy saýdada 4 negizgi baǵyt bar: elektronıka, tamaq jáne ónimder, kıim, farmasevtıka. Barlyǵy otandyq platformalarda jumys isteıdi.

B.Mýsın atap ótkendeı, naryqty taldaý pandemııa kezeńinde azamattardyń onlaın rejıminde tutyný qurylymy ózgergenin kórsetedi. Adamdar óz basymdyqtaryn ózgertti. Kıim men kosmetıkany satyp alýdyń tómendeýi baıqalady. Alaıda bul rette halyq onlaın túrde azyq-túlik, dári-dármek jáne balalar taýarlaryn kóbirek satyp ala bastady.

Qazaqstanda pandemııa kezinde ózekti bolyp tabylatyn kóptegen taýar pozısııalarynyń óndirisi bar ekenin atap ótý qajet. Tıisinshe, qazaqstandyq óndirýshilerdi onlaın rejımge shyǵarý jóninde belsendi jumys isteý usynylady.

Pandemııa kezeńinde belsendi damyp kele jatqan naryqtar FoodTech jáne PharmTech boldy.

"Mysaly, qazaqstandyq Arbuz.kz sýpermarkettinde azyq-túlik satyp alý 2019 jylmen salystyrǵanda sáýir-maýsymda 7 esege deıin ósti. О́ńirlerde azyq-túlik ónimderiniń onlaın servısteriniń paıda bolýy mańyzdy. Bul úshin biz Arbuz.kz, Chocofood jáne basqa kompanııalarmen jergilikti kásipkerlerdi onlaın satýǵa úıretemiz", dedi B.Mýsın.

Sondaı-aq, farmasevtıka segmentin atap ótý kerek. Búginde onlaın túrde antıbıotıkterdi satýda problemalar bar. Sebebi bul onlaın-reseptýranyń bolýyn talap etedi.

"Ol úshin biz Densaýlyq saqtaý mınıstrligimen ınternet dúkenderdi telemedısınalyq jáne onlaın-reseptiler servısterimen baılanystyramyz", dedi B. Mýsın.

Barlyq qazaqstandyq kompanııalarǵa halyqaralyq startaptarmen básekelesýge týra keledi. Olardyń uzaq venchýrlyq qarjylandyrýmen qamtamasyz etilgenin atap ketý qajet. Bul úshin venchýrlik kapıtaldyń otandyq naryǵyn damytý mańyzdy. Bul baǵytta venchýrlik kapıtaldy retteıtin zań jobasy ázirlenýde. Sondaı-aq "Báıterek" UBH" AQ-men QazTech Ventures qarajatyn qazaqstandyq startaptarǵa tartý týraly ýaǵdalastyq bar.

Elektrondyq saýda úshin negizgi qural — logıstıkalyq ınfraqurylymnyń damýy. "Qazposhta" AQ-nyń bızneske arnalǵan úsh fýlfılment ortalyǵy bar. 

Naryqtyq qajettilikke saı 2025 jylǵa qaraı elimizde 20 fýlfılment ortalyǵyn ashý josparlanýda. Sonymen qatar naryq óz ınfraqurylymyn derbes damyta bastaýda. Olar qoımalar qurylysyn jáne "sońǵy mılıa" sheshimderin qajet etedi.

Elektrondyq saýdanyń negizgi elementteriniń biri esikke deıin jetkizý bolyp tabylady. Klıentter óz taýarlaryn tez ári yńǵaıly túrde alǵysy keledi. Osy oraıda «Qazposhta» ınfraqurylymy poshtomattar, sálemdemeler sýpermarketteri arqyly atalǵan máseleni sheshýge jol ashady.

Búgingi kúni 4 myńǵa jýyq front ofıs qyzmet kórsetedi. Naryq qatysýshylary jedel jetkizý merzimin qysqartý boıynsha jumys atqaryp jatyr. Qazirgi ýaqytta taýarlar 1-den 3 kún aralyǵynda jetkiziledi.

Aıta ketý kerek, naryq barlyǵyna ashyq. 570-ten astam kompanııa kýrerlik qyzmetter naryǵynda jumys isteıdi.

Qazaqstan tranzıttik áleýetti damytý jolynda belsendi jumys atqaryp jatyr. Bul baǵytta Qazposhta "Qorǵas" ShYHO aýmaǵynda Bond qoımasynyń jobasyn júzege asyrýda. Reseıge de, eýropalyq elderge de taýarlardyń tranzıtin qamtamasyz etedi.

Sondaı-aq Qazposhta Germanııadan jáne Ulybrıtanııadan Reseıge jáne Ortalyq Azııa elderine taýarlardy tasymaldaýda.

Elektrondy saýdanyń damýy — offlaın bıznestiń onlaın satýǵa ótýi.

"Bizdiń mindetimiz – offlaın kásipkerlerdiń onlaın satýǵa ótýine kómektesý. Ol úshin biz bir qaraǵanda qarapaıym, biraq onlaın jumysqa mańyzdy nárselerdi úıretýimiz kerek. Bul – taýarlardy sýretke túsirý, brendtteý jáne t. b.", deıdi B.Mýsın.

Sondaı-aq kásipkerlerdiń sıfrlyq servısterge qoljetimdiliginiń mańyzdylyǵyn atap ótý qajet.

"Biz bul arnaıy servısterdi Astana Hub-qa jınaımyz. Biz QR EHÁQM jáne “Atameken” ulttyq kásipkerler palatasymen birlesip, kásipkerlerdi onlaın-satýǵa úıretý úshin arnaıy baǵdarlama qurýǵa daıynbyz. Atalǵan jumysqa salada jetistikke jetken kásipkerlerdi tartamyz", dedi birinshi vıse-mınıstr.

Aýyl sharýashylyǵy ónimin óndirýshilerdi onlaın túrde satýǵa shyǵarý mańyzdy. Osy oraıda, aýyl sharýashylyǵy óndirýshilerin iri rıteılerlermen tikeleı baılanystyratyn agrarlyq sıfrlyq platforma qurý usynylady. Bul aýyl sharýashylyǵy óndirýshilerine tikeleı satýǵa qoljetkizýge múmkindik beredi. Qosymsha platforma arqyly yńǵaıly banktik jáne logıstıkalyq servısterdi alýǵa, ORS-larda taýarlardy saqtaýǵa múmkindik beredi. Bul barlyq deldaldardy alyp tastaıdy, sáıkesinshe sońǵy tutynýshy úshin baǵa tómendeıdi. Sıfrlyq platforma sondaı-aq aýyl sharýashylyǵy ónimin óndirýshilerge halyqaralyq naryqqa shyǵýǵa múmkindik beredi.

Sózin qorytyndylaı kele, B. Mýsın álemde bolyp jatqan trendterge toqtalyp ótti. 

"Pandemııa kezinde elektrondyq saýda naryǵy taýar aınalymynyń draıverine aınaldy. Mysaly,Amazon kompanııasy pandemııa kezinde 100 myńnan astam jańa jumys ornyn ashty. Aliexpress-tiń platformasynda reseılik taýarlardyń satylýy 3 ese ósti. Al qazaqstandyq ınternet-dúken Flip.kz pandemııa kezinde jumys oryndarynyń sanyn 20%-ǵa ósirdi. Bul onlaın-saýda bızneske jumys oryndaryn saqtap qana qoımaı, sonymen qatar ony ulǵaıtýǵa múmkindik beretinin kórsetýde", dep B.Mýsın, QR SDIAО́M barlyq salalardy onlaınǵa aýdarýǵa basqa mınıstirliktermen birlesip pysyqtaýdy jalǵastyratynyn atap ótti. Bul el ekonomıkasyndaǵy taýar aınalymyn qamtamasyz etýge jáne halyq arasynda áleýmettik qashyqtyqty saqtaýǵa múmkindik beredi.

Premer-Mınıstrdiń birinshi orynbasary Álıhan Smaıylov elektrondyq saýda qolma-qol aqshasyz tólemderge kóshýge, kóleńkeli saýda kóleminiń tómendeýine jáne kásipkerliktiń jalpy ósýine yqpal etetin Qazaqstan ekonomıkasynyń basym baǵyttarynyń biri ekenin atap ótti.

"2020 jyldyń I jartyjyldyǵynda elektrondyq saýda naryǵynyń jalpy kólemi 2019 jyldyń sáıkes kezeńimen salystyrǵanda 2,2 esege ósip, 435 mlrd teńgege jetti", dedi Á.Smaıylov. 

Elektrondyq kommersııa naryǵyn damytýdy yntalandyrý boıynsha belsendi jumys atqarý kerek.

Birinshiden, uzaq merzimdi qarjylandyrýǵa qol jetkizýdi qamtamasyz etý mańyzdy.

Ekinshiden, iri qoımalardan bólshek satyp alýshylarǵa deıin jetkizý logıstıkalyq tizbegin qurý qajet. Ol úshin Qazposhtany jáne jekemenshik kýrerlik komanııalardy keńinen tartý kerek.

Úshinshiden, saýda jáne ıntegrasııa, eńbek jáne halyqty áleýmettik qorǵaý, sıfrlyq damý mınıstrlikteri «Atameken» ulttyq kásipkerler platasymen birlesip, kásipkerlerdi onlaın túrindegi saýdaǵa úıretetin kýrstardy engizý qajet.

Qazaqstan Respýblıkasynda Elektrondyq kommersııany damytýdyń 2025 jylǵa deıingi Jol kartasy ázirlendi. Búgingi aıtylǵan máselelerdi eskere otyryp, osy Jol kartasy aıasynda belsendi jumys júrgizý kerek.

 
Sońǵy jańalyqtar

Terezeden qulap ketken bala qaıtys boldy

Aımaqtar • Búgin, 18:13

Dıplomattar 150 noýtbýk syılady

Qazaqstan • Búgin, 17:50

Qala ákimi sportshylarmen kezdesti

Aımaqtar • Búgin, 15:58

Memleket basshysy Baqyt Sultanovty qabyldady

Prezıdent • Búgin, 15:40

Muqanovtanýǵa qosylǵan súbeli eńbek

Ádebıet • Búgin, 15:21

Prezıdent Beıbit Atamqulovty qabyldady

Prezıdent • Búgin, 15:08

Qazaqstanǵa ekolog-zańgerler qajet

Ekologııa • Búgin, 14:49

Senatorlar onlaın-kezdesý ótkizdi

Parlament • Búgin, 14:42

HQO-da analarǵa qurmet kórsetildi

Aımaqtar • Búgin, 13:35

Qazaqstanda temeki baǵasy qymbattaıdy

Qazaqstan • Búgin, 13:00

Jezqazǵannyń jańa ákimi taǵaıyndaldy

Taǵaıyndaý • Búgin, 12:50

Uqsas jańalyqtar