Qoǵam • 28 Shilde, 2020

Elimizde qurylys materıaldaryn óndirý kólemi 3 esege ósti

7 ret kórsetildi

Qazaqstannyń ındýstrııalyq-ınnovasııalyq damý baǵdarlamasyna sáıkes qurylys materıaldaryn óndirý ekonomıkanyń basym baǵyttarynyń biri. Qurylys materıaldary ónerkásibi óńdeý ónerkásibiniń 6% quraıdy, dep habarlaıdy Egemen.kz

Qazir 1965 kásiporynda 29 myńǵa jýyq adam jumys isteıdi. Aıta ketý kerek, sońǵy 10 jylda qurylys materıaldaryn óndirý kólemi 176 mlrd teńgeden 586 mlrd teńgege deıin 3 esege ósti.

"Nurly jer", "Nurly jol" jáne "Jumyspen qamtýdyń jol kartasy" memlekettik baǵdarlamalaryn júzege asyrý barysynda qurylys materıaldaryna degen suranys aıtarlyqtaı artty. Máselen, elimizde jyl basynan osy jyldyń mamyryna deıin sılıkat pen shlak kirpishteriniń óndirisi 428 myń tonnany qurady. Bul ótken jyldyń sáıkes kezeńimen salystyrǵanda 82 myń tonnaǵa kóp. Keramıkalyq kirpish óndirisi de ulǵaıdy. Eger 2019 jyldyń alǵashqy bes aıynda 1 293,8 myń tekshe metr óndirilse, bıyl qańtar-mamyr aralyǵynda 1 371,1 myń tekshe metr shyǵarylǵan.

2019 jyldyń naýryz aıynda qurylys materıaldary salasyn 2021 jylǵa deıin damytýdyń Jol kartasy qabyldandy. Osy baǵdarlamanyń is-sharalaryn júzege asyrý aıasynda sement ónimderi memlekettik satyp alýdyń memlekettik rejıminen alynyp tastaldy jáne shartty túrde óndiriletin ónim tiziminen shyǵaryldy. Sonymen qatar, sementti úshinshi elderden ákelýge 6 aıǵa tyıym salyndy.

Qurylystaǵy qazaqstandyq qamtý úlesin arttyrý úshin qajetti normatıvtik-quqyqtyq baza jasaldy, onyń talaby - bıýdjet qarajaty esebinen qarjylandyrylatyn jobalar boıynsha qazaqstandyq qurylys ónimderin mindetti túrde paıdalaný.

Bul nusqamany eskere otyryp, qoldanylatyn qurylys materıaldarynyń nomenklatýrasyn kórsetetin, taýardyń kodyn, sondaı-aq shyǵý tegi týraly sertıfıkattaryn, eseptik paraǵyn jáne naqty atqarylǵan jumys aktileri jergilikti mazmundy baqylaýǵa arnalǵan materıaldardyń shyqqan elin qarastyrady.

Bul otandyq materıaldardy jobalyq-smetalyq qujattamada keltirilgen ımporttalatyn materıaldarmen negizsiz aýystyrýdy azaıtady, sonymen qatar jumystyń tıimdiligi men tehnıkalyq ınspektorlar men tapsyrys berýshilerdiń qurylys jobalarynda jergilikti qamtýdy saqtaý jaýapkershiligin arttyrady. Saraptamadan ótken barlyq jobalardyń qysqasha qorytyndy paraqtary ornalastyrylǵan portal jasaldy.

Sondaı-aq, memlekettik satyp alýdy júzege asyrý erejelerine qurylys salasyndaǵy memlekettik satyp alýdyń tıptik shartyna ózgerister engizildi, bul otandyq taýar óndirýshilerdiń tizilimine sáıkes materıaldardy satyp alýdy talap etedi.

Sonymen qatar, 2020 jyldyń aıaǵyna deıin ekonomıkalyq ósýdi qalpyna keltirýdiń Keshendi josparyn iske asyrý aıasynda otandyq taýar óndirýshilerdiń talaptaryn saqtamaǵany úshin jaýapkershilikti kúsheıtý maqsatynda túzetýler ázirlenip Ákimshilik Kodekske ózgerister engizý týraly zań jobasynyń tujyrymdamasyna engizý úshin Ádilet mınıstrligine usynyldy.

Sonymen qatar, qazirgi jaǵdaıda qurylys ındýstrııasyn qajetti ónimdermen qamtamasyz etý maqsatynda ımportty almastyratyn jobalardy júzege asyrý joldary qarastyrylýda. Sonymen qatar, «qurylys materıaldary naryǵy» onlaın-platformasyn qurý qarastyrylýda, bul materıaldar qunyn 15% tómendetedi jáne qurylys materıaldary naryǵynyń ashyqtyǵyn qamtamasyz etedi.

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar