Aımaqtar • 28 Shilde, 2020

Tarazda úıi órtenip ketken otbasy baspanaly boldy

41 ret kórsetildi

Bıylǵy jylǵy maýsym aıynyń alǵashqy kúninde Taraz qalasynyń Mıchýrın kóshesinde ornalasqan úıden órt shyǵyp, tilsiz jaýdyń saldarynan bir otbasy dalada qalǵan bolatyn, -  dep habarlaıdy Egemen.kz.

Kámelet jasyna tolmaǵan úsh balasymen baspanasyz qalǵan Marııa Kırıakıdıdiń jaǵdaıy áleýmettik jeliler arqyly tarap, kópshiliktiń pikirin týdyrǵan bolatyn. Jýyrda atalǵan otbasyna Jambyl oblysy ákimdiginiń aralasýymen jańa baspana berildi.

Atalǵan oqıǵaǵa qatysty shuǵyl áreket etken oblystyq ákimdik áýeli Kırıakıdıler otbasyna jataqhana usynǵan. Alaıda, úsh balasymen dalada qalǵan ana bul usynystan bas tartqan. Nátıjesinde oblystyq jáne qalalyq ákimdiktiń atsalysýymen janashyr kásipker bul otbasyna jańa baspana alyp berdi. Qazirgi kezde Marııa Kırıakıdı balalarymen birge shahar ortalyǵyna jaqyn mańda ornalasqan jańa qonysqa kóship bardy. Taraz qalasynyń ákimi Aıtqazy Qarabalaev Kırıakıdıler otbasyna arnaıy kelip, olardy jańa qonysymen quttyqtady. Sondaı-aq, ol bul másele oblys basshylyǵynyń jeke baqylaýynda bolǵanyn aıta kelip, oblystyq ákimdik atynan turmysqa qajetti dúnıelerdi syılyq retinde tabystady. Búginde quny 9,2 mıllıon teńge bolatyn tórt bólmeli úıdiń aýlasynda abattandyrý jumystary júrgizilýde.

Al, Marııa Kırıakıdı órt kezinde barlyq qujattarynyń janyp ketkenin, qazir olardy qalpyna keltirý ústinde ekenin jetkizdi. Sonymen qatar, ol jergilikti ákimdik pen kásipker azamattarǵa alǵysyn bildirdi. "Qujat daıyn bola salysymen, órt shyqqan úıdiń telimin bizge baspana alyp bergen kásipkerdiń atyna jazdyryp, myna jańa úıimdi ózime rásimdeımin. Oblystyq ákimdik osy máseleniń ońtaıly sheshilip, bizdiń dalada qalmaýymyzǵa kóp yqpal etti. Sondaı-aq, eriktilerdiń de erekshe yqylaspen kómek qolynsozǵanyn aıtqym keledi", deıdi ol. Budan bólek, Marııa Kırıakıdıge Taraz qalalyq jumyspen qamtý jáne áleýmettik baǵdarlamalar bólimi arqyly 277 myń teńge kóleminde bir rettik járdemaqy tólendi.

 

Jambyl oblysy

 

Sońǵy jańalyqtar

Tashkent tragedııasy

Sport • Keshe

Uqsas jańalyqtar