"Kýrorttyq aımaqtardaǵy ornalastyrý oryndarynyń úzdiksiz jumys isteýin qamtamasyz etý jáne tólengen brondar boıynsha aqshalaı qarajattyń qaıtarylýyn boldyrmaý maqsatynda Mádenıet jáne sport mınıstrligi óńirlerdiń ákimdikterimen birlesip, joǵaryda kórsetilgen sanıtarlyq dárigerlerdiń Qaýlylaryna keıbir tolyqtyrýlar engizý múmkindigin talqylady.
Nátıjesinde, Almaty oblysyndaǵy Alakól kóliniń jaǵalaýynda, sondaı-aq Shýche-Býrabaı kýrorttyq aımaǵynda ornalasqan kýrorttyq aımaqtar boıynsha kelesideı kelisilgen sheshimderge qol jetkizildi:
- Taýarlar men qyzmetterdiń sapasy men qaýipsizdigin baqylaý qyzmeti bergen tıisti daıyndyq aktileri bar, ornalastyrý oryndarynda aldyn ala tólengen brondar boıynsha demalýshylardy qabyldaýǵa ruqsat etiledi.
Shyǵys Qazaqstan oblysyndaǵy Alakól kóliniń jaǵalaýynda otbasynyń bir múshesine PTR anyqtamasynyń bolýy jaǵdaıynda, buryn kózdelgen talaptardy eskere otyryp, demalýyna bolady.
Blok-beketterdegi ótkizý júıesi týrısterde ornalastyrý oryndary usynǵan bronnyń bar-joǵy týraly derektermen salystyrylatyn bolady", - dedi ol.
Týrızm komıteti tóraǵasynyń málimetinshe, barlyq kýrorttyq oryndarda osy jyldyń jazǵy týrıstik maýsymynyń sońyna deıin brondaý úshin bos oryndar qalmaǵan.
