Aımaqtar • 28 Shilde, 2020

Tatarstan dárigerleri Jambyl oblysyna keldi

24 ret kórsetildi

Búginde álemdi ábigerge salyp turǵan qaýipti indetke baılanysty medısınalyq kómek kórsetýdiń mańyzy zor. Osy oraıda koronavırýs ınfeksııasy men pnevmonııany emdeý boıynsha tájirıbe almasý maqsatynda Tatarstan memleketinen Jambyl oblysyna bir top dárigerler keldi, - dep habarlaıdy Egemen.kz.

Atalǵan shara Jambyl oblysynyń ákimi Berdibek Saparbaevtyń Tatarstan Prezıdenti Rýstam Mınnıhanovpen kelisimi boıynsha Qazaqstan Respýblıkasy Reseı Federasııasyndaǵy Elshiliginiń jáne memleket qaıratkeri Imanǵalı Tasmaǵambetovtiń qoldaýymen uıymdastyrylǵan.

Tatarstan dárigerlerin Taraz qalasyndaǵy "Áýlıe-Ata" halyqaralyq áýejaıynan oblystyq densaýlyq saqtaý basqarmasynyń basshysy Marat Jumanqulov  jáne "Taraz" áleýmettik-kásipkerlik korporasııasy" ulttyq kompanııasy" AQ basqarma tóraǵasy Oljas Karjaýov kútip aldy. Shet elden kelgen dárigerlerdiń qatarynda dáriger-ınfeksıonıst, anestezıolog-reanımatolog, epıdemıolog jáne ambýlatorııalyq-emhanalyq sekildi qyzmettiń mamandary bar. Oblystyq ákimdiktiń málimetinshe, búgingi kúni óńirde turǵyndardyń koronavırýstyq ınfeksııamen jánepnevmonııamen syrqattaný jaǵdaıy turaqty. Degenmen, sheteldik dárigerlerdiń tájirıbesi de óz nátıjesin beredi dep kútilýde. Sonymen qatar, Marat Jumanqulov Tatarstannan kelgen mamandar koronavırýs pen pnevmonııa aımaǵyndaǵy emdeý hattamalarymen tanysyp, jergilikti dárigerlerge konsýltasııalyq jáne ádistemelik kómek kórsetedi.

O
"Kelgenderdiń barlyǵy joǵary sanattaǵy bilikti mamandar. Olar oblystyq densaýlyq saqtaý júıesiniń, koronavırýs jáne pnevmonııamen aýyratyn naýqastardy emdeýmen aınalysatyn uıymdardyń jumysymen tanysatyn bolady. Bul aýrýhanalardan bólek emhanalyq nysandardy, ortalyq aýdandyq aýrýhanalardy da aralaý josparlanǵan. Reseı Federasııasynda qaýipti indetti emdeýdiń jaqsy tájirıbesi qalyptasty. Meniń oıymsha, reseılik mamandardyń kelýi bizge keıbir máselelerdi qaıta qarap, osy baǵyttaǵy jumystardy jaqsarta túsýge múmkindik beredi", deıdi Marat Jumanqulov.

Al, Tatarstan Respýblıkasy Densaýlyq saqtaý mınıstrliginiń Respýblıkalyq klınıkalyq onkologııalyq dıspanseriniń anestezıolog-reanımatology Aleksandr Vanıýshın bul ekijaqty sapar ekenin jetkizdi. "Biz bireýge birdeńe úıretý úshin emes, koronavırýstyq ınfeksııany emdeýdegi tájirıbelerimizdi salystyrý, aýyr naýqastardy kútý modeli, medısınalyq kómek kórsetý qurylymynyń qalaı uıymdastyrylǵanyn kórý jáne óz tájirıbemizdiń tıimdi tustarymen bólisý maqsatynda keldik", deıdi ol. Bul rette Oljas Qarjaýov Tatarstan Respýblıkasy basshylyǵymen dárigerler arasynda ǵana emes, sonymen qatar eki eldiń bıznes ókilderi arasynda da ekijaqty yntymaqtastyq týraly kelisim ornatylǵanyn aıtty.

Sonymen qatar, ol ázirge indetke baılanysty bul kelisimniń tolyǵymen júzege aspaı otyrǵanyn, bolashaqta Tatarstanǵa tájirıbe almasý maqsatynda jambyldyq kásipkerlerdiń, onyń ishinde farmasevtıkalyq kompanııalardyń ókilderiniń jáne dárihanalar jelisiniń ıeleriniń baratynyn jetkizdi.

 

Jambyl oblysy

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar