Qazaqstan • 28 Shilde, 2020

2020 jyly otandyq týrızm bıznesi 70-80% shyǵynǵa ushyrady

6 ret kórsetildi

Bul týraly Týrızm ındýstrııasy komıtetiniń tóraǵasy Dastan Ryspekov aıtty, - dep habarlaıdy Egemen.kz.

"2020 jyly týrızm bıznesiniń shyǵyny 70-80%-dy quraıdy. Ulttyq banktiń málimetinshe, týrızm men qyzmetterdi eksporttaý 2019 jyly $2,5 mlrd bolsa, osy jyly bul kórsetkish $650 mln quraıtyn bolady. Týrıstik fırmalar men ornalastyrý oryndary kórsetken qyzmetter kólemi 2019 jyly 300 mlrd teńge bolsa, osy jyldyń sońyna qaraı 60-80 mlrd kóleminde bolady dep boljap otyrmyz", - dedi ol.

Koronavırýs ınfeksııasyna baılanysty kóptegen týrıstik fırmalar óz jumystaryn toqtatqanymen, qazaqstandyqtar alys-jaqyn shetelderge týr alýyn toqtatpaǵan.

"Karantınge qaramastan, shetelde demalǵysy keletin týrıster sany azaımady. Kerisinshe, kúzgi-qysqy maýsymǵa suranys artty. Aǵymdaǵy jaǵdaı týrbıznes suranysyn tolyqtaı qamtı almaı jatyr. Biz jýyq arada jaǵdaıdyń qaıta qalpyna keletinine senemiz", - dedi Týrızm komıtetiniń tóraǵasy.

Sońǵy jańalyqtar

Uqsas jańalyqtar