Qoǵam • 28 Shilde, 2020

Qazaqstanda turǵyn úı qurylysy qalaı damýda?

27 ret kórsetildi

Kez kelgen memlekette turǵyn úı máselesi negizgi máselelerdiń biri bolyp sanalady, sebebi, azamattarynyń áleýmettik ıgiligi olardyń turǵyn úımen qamtylýyna tikeleı baılanysty. Qazaqstan turǵyn úı salasyn damytýdyń biryńǵaı modelin ázirleýde, onyń negizgi qaǵıdaty ásirese, áleýmettik áljýaz toptaǵy turǵyndar úshin turǵyn úıdiń qoljetimdiligin arttyrý bolmaq. Osy maqsatta elimizde turǵyn úı ıpotekasynyń qoljetimdiligin arttyrýǵa yqpal etetin jańa turǵyn úı baǵdarlamalary engizilýde. Bul týraly Premer-Mınıstrdiń Baspasóz qyzmetine silteme jasaı otyryp Egemen.kz habarlaıdy.

"Syndarly qoǵamdyq dıalog – Qazaqstannyń turaqtylyǵy men órkendeýiniń negizi" atty Qazaqstan halqyna arnaǵan Joldaýynda Memleket basshysy Qasym-Jomart Toqaev otbasylyq tabystyń túrli deńgeıine saı keletin biryńǵaı turǵyn úı saıasatyn ázirleýdi tapsyrdy. Úsh jyl ishinde kezekte turǵan az qamtylǵan kóp balaly otbasylarǵa turǵyn úı berý máselesin sheshý qajet, al turǵyn úı satyp alý úshin tabysy joq azamattarǵa áleýmettik jalǵa berý jaǵdaıynda turýǵa múmkindik berý qajet.

Statıstıkalyq málimetterge sáıkes, aǵymdaǵy jyldyń 1 shildesine qarjylandyrýdyń barlyq kózderi boıynsha Qazaqstanda turǵyn úı qurylysyna 769,8 mlrd teńge ınvestısııa salyndy, bul 2019 jyldyń uqsas kezeńinen 26,3%-ǵa artyq. Jalpy kólemi 6 113,3 myń sharshy metr turǵyn úı paıdalanýǵa berildi, bul 2019 jyldyń sáıkes kezeńine 107,3% quraıdy. Respýblıka boıynsha barlyǵy 52 282 birlik turǵyn úı paıdalanýǵa berildi, onyń ishinde 18 996-sy – jeke turǵyn úı. 

Turǵyn úı kezegi jyl saıyn 50 myń adamǵa ulǵaıýda, al áleýmettik turǵyn úı jyl saıyn 20 myń otbasyna paıdalanýǵa beriledi. Osyǵan baılanysty, "Nurly jer" baǵdarlamasy boıynsha azamattardy olardyń múmkindikteri men mártebesine qaraı turǵyn úımen qamtamasyz etýdiń gradasııalyq júıesin engizý kózdelip otyr. Mysaly, satyp alý quqyǵynsyz jalǵa beriletin turǵyn úı tabysy joq nemese otbasy múshesine shaqqandaǵy eń tómengi kúnkóris deńgeıinen tómen tabysy bar (29,7 myń teńge) kezekte turǵandarǵa beriletin bolady.

"Baqytty otbasy" baǵdarlamasy otbasynyń árbir múshesine shaqqanda eń tómengi kúnkóris deńgeıiniń 2 eselik shamasynan (59,4 myń teńge) aspaıtyn tabysy bar kezekte turǵandarǵa qoljetimdi bolady.

JAO-nyń kredıttik turǵyn úıi otbasynyń árbir múshesine shaqqandaǵy tabysy eń tómengi kúnkóris deńgeıiniń eki eseden 3,1 eselik shamasyna deıin (92 myń teńge) bolatyn kezekte turǵandarǵa satylatyn bolady.

Eń tómengi kúnkóris deńgeıiniń 3,1 eselengen mólsherinen asatyn tabysy bar azamattar "QIK" IU" AQ-nan "7-20-25", "Baspana Hıt", "Orda", "QTQJB" AQ-nan "О́z úıim" baǵdarlamalarynyń quraldaryn paıdalana alady.

Bul tásilder memlekettik qoldaýdyń ataýlylyǵyn qamtamasyz etedi jáne turǵyn úı qurylysyn josparlaýdyń tıimdiligin arttyrady.

"Halyqtyń tabysy aıqyndaýshy faktor bolady. Otbasynyń bir múshesine shaqqandaǵy tabysy bir ETKD (eń tómengi kúnkóris deńgeıi) az otbasylar úshin satyp alý quqyǵynsyz jalǵa beriletin turǵyn úı usynylatyn bolady. Tabysy 2 ETKD deıingi turǵyn úıi joq otbasylar "Baqytty otbasy" baǵdarlamasynyń qatysýshylary bola alady (kóp balaly jáne tolyq emes otbasylar, sondaı-aq múmkindigi shekteýli balalardy tárbıelep otyrǵan otbasylar). "5-20-25" baǵdarlamasy boıynsha jáne "5-10-20" pılottyq jobasy sheńberinde otbasynyń bir múshesine tabysy 3,1 ETKD deıin kezekte turǵandar ákimdikterden kredıttik turǵyn úı alýǵa úmitker bola alady. Tabysy 3,1 eń tómen kúnkóris deńgeıindegi azamattar úshin "7-20-25" baǵdarlamasy qoljetimdi", — delingen habarlamada.

Halyqty turǵyn úımen qamtamasyz etý boıynsha turǵyn úı saıasatyn odan ári damytýdy Turǵyn úı qurylys jınaq bankiniń bazasynda qurylatyn tolyqqandy "Otbasy bank" damý jáne qoldaý ınstıtýty arqyly iske asyrý josparlanýda, onda árbir jumys isteıtin azamat úshin turǵyn úı satyp alý múmkindigi úshin eńbekaqy qorynan mindetti turǵyn úı aýdarymdary engiziletin bolady.

Sońǵy jańalyqtar

Prezıdent Ahmetjan Esimovti qabyldady

Prezıdent • Búgin, 18:21

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Alaqandaı Artem: 980 gramm ómir

Qoǵam • Búgin, 16:00

Arzan ton alamyn dep aldanyp qaldy

Aımaqtar • Búgin, 14:30

Uqsas jańalyqtar