Qazaqstan • 28 Shilde, 2020

Coca-Cola kompanııasy Qazaqstanǵa koranavırýspen kúreske 130 mln teńge bóldi

13 ret kórsetildi

"Coca-Cola Almaty Bottlers" BK kompanııasy qazaqstandyqtarǵa qoldaý kórsetti. "The Coca-Cola Foundation" halyqaralyq qaıyrymdylyq qory Qyzyl Krest jáne Qyzyl Jarty Aı halyqaralyq qozǵalysynyń bir bóligi bolyp tabylatyn qazaqstandyq uıymǵa COVID-19 ınfeksııasymen kúreske shamamen 130 mln teńge bóldi. Bul týraly "Kazakh Invest" UK baspasóz qyzmeti habarlady.

 

Atalǵan qarajat qajetti medısınalyq qural-jabdyqtar jáne birneshe ret obaǵa qarsy qoldanýǵa bolatyn 1,6 myńnan astam kostıým satyp alý úshin balalar juqpaly aýrýlar klınıkalyq aýrýhanasynyń, Almaty qalasynyń qalalyq klınıkalyq juqpaly aýrýlar aýrýhanasyna, Ulttyq ftızıopýlmonologııa ortalyǵyna, Halyk Arena muz arenasy bazasynda ashylǵan ınfeksııalyq stasıonarǵa, Almaty qalasynyń Ortalyq qalalyq klınıkalyq aýrýhanasyna, áskerı klınıkalyq gospıtalge, Almaty temirjol aýrýhanasyna, "Qazaqstan" sanatorıine, QR Ulttyq gvardııasynyń 5571 áskerı bóliminiń medısınalyq bólimshesine, Hırýrgııa ınstıtýtyna, Respýblıkalyq qan ortalyǵyna baǵyttaldy.

Sondaı-aq qorǵanys quraldarynyń bir bóligi Nur-sultan qalasyndaǵy Ulttyq ǵylymı medısınalyq ortalyqtyń qyzmetkerlerine berildi.

Sońǵy jańalyqtar

Uqsas jańalyqtar