Elorda • 28 Shilde, 2020

Nur-Sultanda birqatar aýrýhanada josparly emdeý qaıta jalǵasady

15 ret kórsetildi

Nur-Sultanda birqatar medısına mekemeleri josparly túrde emdeýge qaıta kiristi. Bul týraly elorda ákimi Altaı Kólginov Úkimet otyrysynda málimdedi. 

Qabyldanǵan karantın sharalary men emhanalarda ambýlatorııalyq emdeýdi kúsheıtý medısına mekemeleri men qyzmetkerlerine júktemeni aıtarlyqtaı azaıtty.

Osylaısha, josparly emdeý №1 jáne №2 qalalyq kópsalaly balalar aýrýhanasynda, №2 qalalyq kópsalaly aýrýhanada qaıta jandandy. 3 tamyzdan bastap qaladaǵy emhanalar da josparly emdeýdi jalǵastyrady.

Sonymen qatar, bir kún buryn qalalyq psıhıkalyq densaýlyq ortalyǵyndaǵy juqpaly aýrýlar stasıonarynan KVI-men aýyratyn sońǵy naýqas emdelip shyqty. Muqııat dezınfeksııadan keıin PDO burynǵy profıline sáıkes jumysyn qaıta bastaıdy.

Osylaısha, 5 shildeden bastap júrgizilgen karantın sharalary men ambýlatorııalyq emdeýdi kúsheıtý nátıjesinde pnevmonııamen aýrýhanalarǵa túsken naýqastar sany eki ese – 1348-den 633-ke azaıdy. Jedel járdem stansııasyna qońyraýlar sany 3 ese azaıdy – 3 myńnan kúnine 1100-ge deıin. Onyń ishinde KVI boıynsha – kúnine 500-den 89-ǵa deıin.

KVI-den emdelip shyqqan naýqastar sany 70% – 10 320 naýqastyń 7 260-i emdelip shyqty. Tósek-oryn qoryna júkteme deńgeıi 99%-dan 38%-ǵa deıin tómendedi. Covid-19-dyń tómendeý dınamıkasyn saqtaý úshin barlyq azamattar qatań sanıtarııa normalaryn: maska taǵyp, qashyqtyq saqtaý qajet.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar