Qoǵam • 28 Shilde, 2020

"Baqytty otbasy" baǵdarlamasy boıynsha turǵyn úı sertıfıkaty berilýde

326 ret kórsetildi

2019 jyldyń shildesinen bastap jyldyǵy 2%-ben "Baqytty otbasy" jeńildikti ıpotekalyq nesıelendirý baǵdarlamasy iske qosyldy, - dep habarlaıdy Egemen.kz.

Bul az qamtylǵan kóp balaly otbasylar, múgedek balalardy tárbıelep otyrǵan otbasylar jáne tolyq emes otbasylar úshin teńdessiz qoldaý. Bastapqy jarna ákimdikter bergen turǵyn úı sertıfıkattaryn paıdalaný múmkindigimen 10% quraıdy. Bul rette, turǵyn úı quny Nur-Sultan, Almaty, Shymkent, Atyraý, Aqtaý qalalarynda 15 mln teńgeden jáne qalǵan óńirlerde 10 mln teńgeden aspaýy tıis.

2019 jylǵa 50 mlrd teńge berý josparlanǵan bolsa, Turǵynúıqurylysjınaqbanki 50 mlrd teńgege 5 028 qaryz berdi. 2020 jylǵa jospar 100 mlrd teńgeni quraıdy. Respýblıkalyq bıýdjetti naqtylaýǵa baılanysty 49 mlrd teńge bólý maquldandy. Qarajat 2020 jyldyń maýsym aıynda tústi. Aǵymdaǵy jyldyń 16 shildesine QTQJB 17,6 mlrd teńgege 1 750 qaryz berdi. 2020 jyldan bastap 2023 jyl aralyǵynda Memleket basshysynyń tapsyrmasyna sáıkes jyl saıynǵy berý jospary jylyna keminde 10 myń ótinimdi nemese shamamen 100 mlrd teńgeni quraıdy.

Ákimdikterdiń aqparaty boıynsha búgingi tańda 209 az qamtylǵan azamatqa "Baqytty Otbasy" baǵdarlamasy boıynsha ıpotekalyq qaryz alý úshin turǵyn úı sertıfıkaty berildi (Almaty oblysy – 88, Pavlodar qalasy – 58, Nur-Sultan qalasy – 60, Atyraý qalasy - 3).

Jergilikti bıýdjetterden aǵymdaǵy jyly ákimdikter 509 mln teńgege jýyq qarjy (Shymkent qalasy – 100 mln teńge, Nur-Sultan qalasy - 50 mln teńge, Almaty oblysy - 359,2 mln teńge) qarastyrǵan.

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar